Richard, Daniel bibida sa Asian Academy Creative Awards

 Tinanghal na national winner para sa Best Drama Series category ng Asian Academy Creative Awards (AACA) 2025 ang hit action serye nina Richard Gutierrez at Daniel Padilla, ang “Incognito”.

Nilabas na nga ng AACA ang national winners o official nominees para sa award show ngayong taon Ang “Incognito” nga ang pambato ng Pilipinas para sa Best Drama Series ng ACAA 2025.

Makakalaban nito ang mga serye mula sa iba’t ibang bansa sa Asia and Pacific gaya ng Australian series na “The Narrow Road to the Deep North”, “Strange Tales of Tang Dynasty: To The West” (Mainland China), at “What If” (Hong Kong).

Kasama rin ang Bollywood series na “Suzhal — The Vortex” (Season 2), Netflix series na “Born for the Spotlight” mula sa Taiwan, at “Please Die, My Beloved” ng Japan.

Pasok din ang mga Southeast Asian series na “Malam Pertama” ng Indonesia, “The Secret” (Malaysia), “Unbreakable Vows” (Myanmar), “Emerald Hill” (Singapore), at ang Thai Netflix series na “Mad Unicorn”.

Pinakasikat sa mga nominado ay ang national winner ng South Korea, ang Netflix series na “When Life Gives You Tangerines” na pinagbidahan nina Park Bo Gum at IU.

Sa nasabing Korean series nagmula ang #KimSeonHoSmileChallenge na naging viral trend sa social media ngayong taon.

Ito ang ikalawang international achievement ng “Incognito”, nauna na nga ang Oustanding Asian Star award ni Daniel sa Seoul International Drama Awards 2025.

Sa Pilipinas, ito ang Most Watched Filipino series sa Netflix Philippines ngayong taon.

Puring-puri ng mga viewer ang story, mga action scene nito, at ang mahusay na pagganap nina Richard at Daniel gayundin ang iba pang cast members nito na sina Maris Racal, Anthony Jennings, at Baron Geisler.

Congratulations!

Kahit sosyal! Geraldine hindi nag-inarte sa pagpapa-sexy

 Ang bongga ni Geraldine Jennings dahil pansin na pansin ang pagpapa-sexy niya sa pelikulang “Isla Babuyan”, ha!

Ang “Isla Babuyan” ang launching movie ni Geraldine at kahit co-producer sa pelikula ang nanay niyang si Gina Cariaga-Jennings, hindi naman siya nag-inarte sa pagpapa-sexy. Kung ano raw ang kailangan sa pelikula ay ginawa ni Geraldine.

At wala rin daw problema kahit sosyal siya, willing daw siya na ginawa ang sexy scenes na kailangan sa “Isla Babuyan” dahil importante nga ‘yon sa istorya ng pelikula.

Hindi naman daw puwedeng habang naka-swimming trunks lang ang leading man niyang si Jameson Blakes ay balot na balot naman siya.  Anyway, ngayong October 1 (Wednesday) na ang opening sa Robinsons Movieworld cinemas ng “Isla Babuyan” at very proud si Geraldine na ang bongga ng reviews sa kanyang launching movie.

‘Yun na!

Kris gumaganda ang hitsura

 

Dahil umuwi nga ng Pilipinas ang naging nurse ni Kris Aquino sa Orange County, California na si Noel Alonzo at aksidente namin itong nakita sa Gateway 2 Mall bago niya dalawin ang tinaguriang Queen of All Media, nanghingi kami rito ng update tungkol sa dating “boss”.

Kinumusta nga namin ang kalagayan ngayon ni Kris.

Sey naman ni Noel, better than last year ang hitsura ni Kris nang dalawin niya ito.

Actually, mukhang tama nga si Noel dahil nang makita namin ang post ng beauty expert na si Jonathan Velasco na kilalang malapit sa pamilya ni Kris, aba, obvious na masigla si Kris.

Hindi na rin sobrang payat ni Kris kaya naman marami sa mga faney ng nanay nina Josh at Bimby ang natuwa. Sabi nga ng mga faney, sana more pics na ganoon ang i-share ng mga taong malalapit kay Kris.

‘Yung pictures nga pala na shinare ni Jonathan ay kuha sa pa-birthday dinner sa kanya ni Kris at very thankful nga siya sa pamilya Aquino.

In fairness, kahit may sakit si Kris ay talaga namang naglalaan siya ng oras para sa mga taong mahal niya at nagmamahal sa kanya, ha!

Heart binanatan dahil sa pinost na pic nila ni Sen Miriam

 

Parang lahat na lang ng gawin at i-post ni Heart Evangelista sa socmed ay binibigyan ng kulay at intriga ng mga memang netizen, ha!

Gaya na lang ng latest Instagram Story ni Heart na hindi talaga pinalampas ng bashers. Kapo-post pa nga lang ni Heart ng lumang picture nila ng yumaong Senador Miriam Defensor-Santiago pero agad-agad itong nag-trending sa socmed at panay kuda at hindi magagandang komento ang mababasa tungkol dito.

Tsika tuloy ng followers ni Heart, ang hirap-hirap nga raw i-please ng mga digital citizen ngayon.

Nakakaloka ang mga hanash ng bashers, eh gusto lang naman ni Heart na alalahanin ang 9th death anniversary ng kanyang ninang.

Hindi nga ito nagustuhan ng maraming netizen at para sa kanila ay another pa-victim card lang daw ito ng aktres.

Marami rin ang kumuda na sana raw ay patahimikin na ng misis ni Senador Chiz Escudero ang namayapang Senadora.

Kung matatandaan, nabanggit din kasi ni Heart ang pangalan ni Sen. Miriam last Tuesday nang mag-IG live siya.

Kuwento ni Heart, ang yumaong politiko raw kasi ang nag-udyok sa kanya na magkaroon ng pre-nuptial agreement bago magpakasal kay Sen. Chiz.

Obserbasyon tuloy ng nakakarami, parang hindi pa rin talaga humuhupa o nababawasan man lang kahit konti ang pagkaimbyerna ng mga taong tambay sa cyber space kay Heart dahil sa kanyang mister.

Anne, Vhong, Jhong sasamahan si Vice sa Vancouver

 

May pa-surprise ang TFC (The Filipino Channel) para sa mga faney, ha!

Noong una kasi ay tanging si Vice Ganda lang ang in-announce nila na taga-“Its’ Showtime” na kasama sa “ASAP Vancouver” show nila sa Canada, pero may iba pa palang kasama.

Nitong weekend nga ay ibinida nila na sasamahan din nina Anne Curtis, Vhong Navarro, at Jhong Hilario sa Vancouver si Meme Vice.

“Plot twist of the year” nga raw nila ‘yon.

Eh sobrang excited din pala sina Vice, Anne, Jhong, at Vhong na magkakasama-sama sila sa Vancouver.For sure, kaliwa’t kanang gimik ang gagawin nila, ha!

Anyway, wala naman daw magiging problema sa shooting ng “Call Me Mother” nina Vice at Nadine Lustre dahil noon pa pala naayos ang schedule ng pagpunta ng Unkabogable Star sa Vancouver.

‘Yun na! 

Kaya win! Pia binuking anting-anting sa Miss Universe

 

May dala raw na anting-anting si Pia Wurtzbach nang masungkit niya ang korona sa Binibining Pilipinas at Miss Universe noong 2015!

Sa kanyang birthday vlog sa Japan nitong Sabado, ikinuwento niya kung paano niya nakuha ang amulet.

“Years ago, pumunta ako sa Meiji Temple bago ako mag-compete. And then, meron akong nabiling amulet tapos you can choose one for every, whatever it is that you need,” kuwento ni Pia.

Pinili raw niya ang isang anting-anting para sa “victory.”

“Parang naniniwala kasi ako na ‘pag nilabas mo siya agad doon sa lalagyan niya, parang na-activate mo na ‘yung power niya. So sabi ko, ‘di ko muna ia-activate ‘yung power. Do’n ko na sa night ilalabas.”

Dinala umano niya ang anting-anting backstage sa parehong pageant, “No joke, sa Binibini at Miss U. And then I went back a few years later to discard it in the same place where you bought it from.

“Wala lang, ako kasi, naniniwala ako sa energy. Whether it was real or not, it was real for me,” dagdag ng beauty queen.

Makabili nga rin ng anting-anting!

Richard may patama sa mga korap

 

Nakasama namin si Richard Gutierrez sa birthday lunch ng niece niyang si Aria Gutierrez sa Fogo de Chão sa Glorietta 4, Makati City noong Sabado.

Kasama rin namin ang twin-brother niyang si Mond Gutierrez at parents na sina Eddie Gutierrez at Annabelle Rama.

Tungkol sa politika at korapsiyon ang naging topic ng tsikahan namin.

Tutok din pala ang pamilya Gutierrez sa Senate hearing tungkol sa mga korapsiyon at anomalya sa mga government project. Naaliw nga kami dahil gustong manood ni Richard ng hearing, pero sabi namin sa kanya Lunes hanggang Huwebes lang ‘yon.

May patama nga rin si Richard sa mga korap at nag-post siya ng picture ng favorite singer niyang si Bob Marley kung saan ay sinabi nito na: “You will never find justice in a world where criminals make the rules.”

Samantala, pahinga muna si Richard sa shooting ng “Shake, Rattle & Roll: Evil Origins” dahil nasa abroad pa ang leading lady niyang si Ivana Alawi.

Pero mabilis naman daw ang trabaho nila dahil naka-7 shooting days na sila.

Pagbalik daw ni Ivana ay kailangan muna nilang sumbaka sa training bago mag-shooting uli.

Bukod sa horror, may todo rin sa action scenes ang kanilang pelikula.

Jericho, Janine binabantayan mga ganap sa Africa

 

Tsinika ni Jericho Rosales na third time na siyang nag-celebrate ng kanyang birthday sa Africa.

Nasa Africa kasi sila ngayon ng girlfriend na si Janine Gutierrez.

Actually, belated birthday celebration na iyon dahil noong September 22 pa ang 46th birthday ng aktor.

Anyway, binabantayan ng mga faney ang mga ganap nina Jericho at Janine ngayon sa Africa.

Marami nga ang masaya dahil hindi naglilihim ang dalaga sa mga ginagawa nila at talagang todo-todo ang pagpapakita ng kanilang pagmamahalan.

Sa October 2 naman ang 36th birthday ni Janine at wish nga ng mga faney na i-share rin niya kung ano ang espesyal na gagawin nila ng kanyang boyfriend sa araw na iyon.

‘Yun na! 

Heart nabawasan ng mga follower sa IG

 

Tsika nga ng mga tambay sa online world, mukhang sinasadya raw ito ni Heart bilang sagot sa mga kumakalat na tsismis sa cyber universe na isa-isa nang nag-aalisan sa kanya ang kanyang endorsements at bilang “sampal” na rin sa mga kuda ng bashers.Pero kapansin-pansin din ang tila lumalaking bawas sa bilang ng mga follower niya sa Instagram, ha!

May mga socmed post kasi noong July na pang-apat si Heart sa Most Followed Pinoy sa IG na may total 16.7M followers, pero as of now, mayroon na lang siyang 16.2M followers.

Sa loob lang ng dalawang buwan at mula nga nang madawit ang pangalan ng mister niyang si Senator Chiz sa isyu ng korapsiyon ay nabawasan na ang fashion icon ng mahigit kalahating milyong followers.

Paano kaya ipapaliwanag ng kampo ni Heart ang tungkol sa followers niya sa IG na nabawas?

Well…

Hatol ng Court of Appeals: `Eat Bulaga’ hindi sa TAPE, pinasuka P3M

 

Pinagtibay ng Court of Appeals (CA) na hindi ang TAPE Inc. ang may-ari ng mga copyright ng “Eat Bulaga,” kabilang ang mga audio visual recordings at jingle ng show.

Tinanggihan ng CA ang apela ng TAPE at pumabor sa orihinal na hosts na sina Tito Sotto, Vic Sotto, at Joey de Leon (TVJ).

Giit ng korte, walang pahintulot ng TVJ ang paggamit ng TAPE sa mga copyrighted materials.

Inutusan ang TAPE na magbayad ng P3 milyon sa TVJ bilang danyos at legal fees kung saan ay P2 milyon para sa temperate damages, P500,000 exemplary damages, at P500,000 sa attorney’s fees.

Ang desisyon ay kaugnay ng naunang ruling ng RTC Marikina na naglabas ng TRO laban sa TAPE at GMA Network, na nagbabawal sa paggamit ng pangalan, logo, at jingle ng “Eat Bulaga,” pati na ang pag-ere ng mga lumang episode.

Una nang kinilala ng Regional Trial Court na may unfair competition at copyright infringement ang TAPE at pinagmulta ng P2 milyon. (Prince Golez)

Alexa kinumpirma hiwalayan kay Sandro

 

Kinumpirma ni Alexa Miro na hiwalay na sila ni Ilocos Norte 1st District Congressman and House Majority Floor Leader Sandro Marcos.

Ayaw naman niyang ibahagi kung gaano na sila katagal na hiwalay ni Sandro.

Nakangiti naman si Alexa nang tanungin siya tungkol sa First Family na naging mabait sa kanya.

Very supportive rin daw ang dating nobyo sa kanyang showbiz career.

Rebelasyon din niya na quality time ang love language sa kanya ni Sandro noong sila pa.

Samantala hindi raw nag-reachout sa kanya ang nali-link ngayon kay Sandro na si Franki Russell dahil na-block na niya ito.

Naganap ang panayam sa kanya ng entertainment press nitong September 25 (Thursday) sa mediacon ng “Sing Galing: Sing-Lebrity Edition” kung saan isa siya sa mga celebrity contestant.

Sumali raw siya sa competition para matulungan niya ang kanyang chosen charity.

Maliban kay Alexa, kasali rin ang mga celebrity na sina Rufa Mae Quinto, Romnick Sarmenta, Dominic Ochoa, Nikki Valdez, Meryll Soriano, Carmi Martin, Valerie Concepcion, Bobby Andrews, Jay Manalo, Luis Alandy, Gio Alvarez, Patricia Javier, Troy Montero, Rey “PJ” Abellana, CJ Ramos, Leandro Baldemor, Lloyd Samartino, Arman Salon, Anton Diva, Chad Kinis, Via Antonio, Yobab, Keanna Reeves, Gus Abelgas, Cedrick Juan, Dawn Chang, Krissha Viaje, at Miss Grand International 2024 CJ Opiaza.

Mapapanood ang “Sing Galing: Sing-Lebrity Edition” simula ngayong Sabado (September 27) sa TV5.

Jessica winner sa ‘America’s Got Talent’

 

Si Jessica Sanchez ang tinanghal na winner ng “America’s Got Talent” (Season 20).

Gumawa ng kasaysayan ang Filipino-American singer bilang first Filipino and first Southeast Asian winner ng biggest talent competition sa USA.

Siya ang nakakuha ng pinakamataas na boto mula sa mga viewer pagkatapos niyang kantahin ang duet song nina Bruno Mars at Lady Gaga na ‘Die With a Smile’ noong Miyerkoles (September 24, US time).

Kahit nga buntis at kabuwanan na niya ay binigay ni Jessica ang kanyang best kaya naman nakakuha siya ng full house standing ovation mula sa audience at sa apat na mga judge na sina Sofia Vergara, Simon Cowell, Mel B, at Howie Mandel.

Para kina Simon at Howie, si Jessica ang may pinakamagandang performance sa gabing iyon habang tinawag naman nina Sofia at Mel B na “perfect” at “flawless” ang kanyang pagkanta.

Tinalo ni Jessica ang siyam pang finalists kabilang ang runner-up na si Chris Turner na isang freestyle rapper.

“I’m sorry, I’m really emotional. This is amazing. Thank you so much America,” amg emotional na speech ni Jessica after ng announcement.

Bagay na bagay nga siyang maging winner ng 20th anniversary edition ng “America’s Got Talent” dahil noong Season 1 ay sumali na siya at kahit natalo ay hindi siya sumuko sa kanyang pangarap at muling sumali sa competition.

Kitang-kita rin sa TikTok Live ng programa na tuwang-tuwa si Simon sa pagkapanalo ni Jessica.

Nag-uwi si Jessica ag US$1 million na premyo.

ake pinagpalit, Chie nag-sorry, hindi itinanggi ang relasyon kay Matthew Lhuillier?!

 

Matapos ang halos dalawang taon na pagli-live in, kinumpirma ng reliable source na hiwalay na sina Jake Cuenca at Chie Filomeno last August pa.

Ang rason ng hiwalayan nila, nakumpirma diumano ni Jake na may ibang karelasyon na si Chie, si Matthew Lhuillier, cousin ng partner ni Sofia Andres na si Daniel Miranda.

Ayon sa reliable source, mahal na mahal ni Jake si Chie na kahit daw may ilang kaibigan na nagsasabi sa actor na nakikipag-date si Chie sa iba ay hindi diumano naniniwala si Jake.

In fact, hindi raw favor ang parents ni Jake kay Chie dahil sa family background nito. Pero lagi raw nitong ipinagtatanggol ang girlfriend at sinasabing mahal na mahal niya ito.

Hanggang isang araw nakatanggap raw ng text si Jake (mga second week of August) na tinatanong siya kung sila pa ba ni Chie.

Sinabi raw ng nag-text kay Jake na kasama ito sa family event ng mga Lhuillier, as if part of the family na ang sexy actress/dancer.

Agad-agad diumanong itinext ni Jake si Chie at sinabing ipapadala na lang niya (Jake) lahat ng gamit niya (Chie).

Na ginawa raw ng actor, ipinadala kaagad daw nito ang lahat ng kagamitan ng girlfriend nung nakumpirma nitong nag-cheat diumano ang sexy star/dancer.

Nag-sorry naman daw si Chie at walang denial. Sinabi na agad nito ang tungkol sa kanila ni Matthew.

Dalawang beses na raw nag-sorry si Chie sa nakarelasyong actor.

Anyway, ang diumano’y karelasyon ngayon sexy star/dancer, miyembro ng ultra rich family.

As in sobrang yaman daw na kamakailan naglunsad ng negosyo nilang Bisaya Brew.

Ayon sa mga lumabas na article, sa kabila ng pagiging culinary expert ni Matthew Lhuillier, pinag-aralan nito ang paggawa ng serbesa o beer.

Samantala, nag-worry lang daw ang ilang malalapit kay Jake na baka bumalik ito sa pag-inom ng alak at paninigarilyo dahil sa nangyari.

Buti na lang daw at busy ito sa Batang Quiapo, sa taping ng What Lies Beneath at sa ginagawa nitong pelikula.

Wala na kasing kabisyo-bisyo si Jake. As in itinigil na niya ang pag-inom ng alak at paninigarilyo.

Nung huli namin siyang nakausap ay sinabi niyang na-realize niya ang mga nasabing bisyo ang dahilan kaya siya nasangkot sa ilang kontrobersiya. Bukod pa sa malaki ang natipid niya.

“So nakakatuwa kasi parang, aside from sobriety, I also got over those vices. Those are vices too. ‘Yung accumulating things and buying and shopping. Having self-worth through material things. Don’t get me wrong, I love watches, and I love cars, but for me, I also realized you don’t have to have all the watches. You don’t have to have all the watches,” sabi niya that time.

Pero meron bang replacement ‘yung alak at sigarilyo tanong ko? “I think, like for me parang the big replacement of like my alcohol drinking it’s... if it’s just a replacement, siguro riding a motorcycle or siguro it’s like, because I stopped drinking so I even doubled down more like let’s say my preparation for work.

That time, last July, inamin din ng actor na wala pa sa radar niya ang kasal.

Alam daw niyang marami pang gustong gawin ang ex-girlfriend na niya ngayon.

“Plans are not yet on the radar. Obviously, parang my girlfriend, she still has a lot of dreams, parang kumbaga marami pa siyang gustong gawin, and I respect that,” katuwiran ng actor.

“But to be honest with you, parang, I just don’t want to say kasi I already said this before. I don’t want to be so repetitive about it, but if I was, you know, qualities that I’m looking for in a wife, I would say Chie has all of them. But to say we’re going to get married sometime soon, that’s a bit of a farce,” dagdag niyang paliwanag.

Andrea may gagawing redemption drama, sumabak sa sosyal na gaming kasama si Bea!

 

Ahh may pagbibidahan palang pelikula si Andrea Brillantes sa Rein Entertainment na naghahanda nang simulan ang produksyon – isang drama thriller na may pamagat na Laya, sa direksyon ni Sigrid Andrea P. Bernardo.

Isang umano itong “redemption drama” na iso-shoot sa Oslob, Cebu na magsisimula na sa October.

Nagkaroon ito ng formal announcement sa Asian Contents & Film Market in Busan, South Korea na sinalihan ng Rein Entertainment – ang production company na inilunsad noong 2017 nina director Shugo Praico, Lino Cayetano at Philip King.

Ang Rein ay gumagawa ng mga pelikulang may global appeal.

Sa kasalukuyan, nasa post-production na rin sila ng pelikulang Salvageland, under Direk Cayetano starring Richard Gomez, Elijah Canlas, Mon Confiado at Cindy Miranda.

May gagawin din sa kanilang pelikula si Bela Padilla na siya rin ang nagsusulat ng script at magdidirek nito na kukunan naman sa South Korea.

Samantala, kasama ni Andrea si Bea Alonzo bilang bagong mukha ng entertainment platform.

Pinakilala sila ng NUSTAR Online, ang sosyal na online entertainment platform ng bansa, ang iconic na pagsasama-sama ng isang resort sa Cebu ay pinalawak upang magbigay ng isang digital experience. 

Mula sa husay ng interface nito hanggang sa curated game offerings, ang NUSTAR Online ay idinisenyo para sa mga Pilipino na siyang nagbibigay halaga sa parehong paglilibang.

Napili diumano ang dalawang aktres sapagkat kinakatawan nila ang dalawang ‘kaluluwa’ ng brand.

Una, bilang matatag na kababaihan at ikalawa naman ay walang kinakatakutan.

Sa halos dalawang dekada sa industriya ng showbiz, binigyang kahulugan muli ni Bea Alonzo kung ano ang ibig sabihin ng pagiging aktres sa kanyang mga ginawang serye at pelikula.

Sa kabilang banda, si Andrea ay isang Gen-Z superstar na umangat sa pagiging matapang, totoo, at may karisma. Siya ay kumakatawan sa bagong henerasyon ng mga Pilipino – mga taong namumuhay sa mundo ng digital, naglalaro na walang kapaguran.

International Series iho-host ng PSC

 

Pamamahalaan ng Philippine Sports Commission (PSC) ang Manila leg ng bigating International Series sa Oktubre 23 hanggang 26 sa Sta. Elena Golf and Country Club.

Ayon kay PSC chairman Patrick “Pato” Gregorio, isang malaking karangalan ang maging host ng nasabing world-class golf event.

“We are proud to welcome some of the finest golfers in the world for the tournament, just a month after the FIVB Men’s Volleyball World Championships,” ani Gregorio.

“This reinforces our advocacy for sports tourism and highlights the Philippines as a premier destination for international competition,” dagdag pa nito.

Babanderahan ni top-ranked golf ace Miguel Tabuena ang mga Pinoy golfers na makakatapat sina LIV Golf stars at major champions Bubba Watson, Patrick Reed, Charl Schwartzel at Louis Oosthuizen.

“We’re thrilled to finally bring the International Series to the Philippines and connect with the country’s passionate golf community,” ani International Series head Rahul Singh na nakasama si Tournament Director Pat Janssen sa isang courtesy visit kay Gregorio.

Eala hahataw ng quarterfinals spot sa China

 

 Puntirya ni Alex Eala na maipagpatuloy ang magandang ratsada nito kung saan pakay nitong masikwat ang silya sa quarterfinals ng Jingshan Open ngayong araw sa China.

Nakatakdang sagupain ni Eala sa Round of 16 si Mei Yamaguchi ng Japan.

Maganda ang simula ni Eala na nagtala ng 6-3, 7-5 panalo laban kay Aliona Falei ng Belarus sa ope­ning round noong Martes.

Sa kabilang banda, nanaig naman si Yamaguchi kontra kay Hong Yi Cody Wong ng Hong Kong sa hiwalay na first round match para masiguro ang pag-entra sa Round of 16.

Paborito si Eala na ma­nalo kontra kay Yamaguchi na may mas mababang puwesto sa ranking.

Kung mananalo ito kay Yamaguchi, makakatipan nito sa quarterfinals ang mananalo sa pagitan nina Riya Bhatia ng India at Lu Jiajing ng China.

Sa kabila ng pagpasok sa second round ng Jingshan Open, gumalaw na naman ang puwesto ni Eala na nahulog sa No. 57 puwesto sa WTA live ran­kings — mula sa kanyang dating posisyon na 56th.

Gayunpaman, mataas ang moral ni Eala na hawak ang top seeding sa naturang 125 WTA tournament na may nakalaang $15,500 para sa magka­kampeon kasama pa ang 125 puntos para sa ran­kings. Target ni Eala na masungkit ang ikalawang WTA title sa taong ito ma­tapos pagreynahan ang Guadalajara Open sa Mexico.

Maliban sa Jingshan Open, nakalinya pa ang ilang WTA tournaments para mas lalo pang mapataas ang puwetso nito sa world rankings.

Vice, sinagot ang nangunguwestyon sa kanyang pagmumura

 

Tila may pasaring si Vice Ganda sa mga nagkomento sa kanyang pagmumura sa EDSA noong Linggo. Paulit-ulit ang PI ni Vice sa kanyang speech sa EDSA Shrine, sa pagtitipon ng mga ‘nanakawan’ sa mga proyekto ng DPWH (Department of Public Works and Highways).

Kaya naman may mga nagkomento na dapat siyang sabihan ng simbahan dahil nasa harap siya ng Shrine pero nagmumura siya.

Tho marami ang kumampi kay Vice.

Sa post kahapon ni Vice ay sinabi niyang “Sa Bulacan pa lang to! Magkano na pag buong Pilipinas? At nakaw pa lng to sa DPWH. Paano pa pag sinama ung sa ibang departments tulad ng Health, Customs, Education etc.? Tapos ung iba kukwestyon bkit ako napamura? Anu ba dapat ang sabihin ng mga nanakawan?? THANK YOU PO MAM/SIR?!”

Kalakip ng nasabing comment ni Vice ang isang art card ng mga nakulimbat na umabot diumano sa P35.24 billion na inserted daw sa budget mula 2022 to 2025.

Nakakaloka talaga na sa ilang taon na ‘yun ngayon lang ‘yan nadiskubre.

Kundi pa nagsalita si Cong. Toby Tiangco.

JM, hindi kayang mag-BL, nagka-stiff neck sa laplapan nila ni Fyang!

 Walang plano si JM Ibarra na sumabak sa BL (Boys’ Love)  project. Wala raw sa persona­lity niya.

“Siguro hindi... Hindi ko alam, I mean ngayon, halimbawa ngayon, parang malayo sa ako, sa personality ko, parang hindi ko siya kayang gawin,” katwiran ni JM nang tanungin namin kung handa ba siya sa ganung character.

“Though, gets ko naman, as an actor, dapat willing ka na gawin ‘yung trabaho. Pero pakiramdam ko kasi kapag hindi ako komportable. Ako naman, hindi naman sa pag aano... Ayaw ko naman mahusgahan. Pero alam ko hindi ko siya magagawa,” dagdag pang paliwanag ng Pinoy Big Brother: Gen 11 alumnus sa ginanap na Spotlight Mediacon ng Star Magic.

At least honest si JM, na sabi nga ng host (ng presscon) na si Ai dela Cruz, authentic pa rin talaga si JM. “Kilala niya ‘yung sarili niya, kung ano ‘yung kaya niyang gawin at hindi,”

Na totoo naman. Hindi nagpaka-plastik si JM na by the way for the first time ay hindi niya kasama sa Cinemalaya entry na Child No. 82 ang ka-loveteam niyang si Fyang Smith.

Pinagbibidahan nila ito ni Vhong Navarro na aniya ay bata pa lang siya ay idol na talaga niya.

At nakakatuwa si JM nang tanungin siya tungkol sa kissing scene nila ni Fyang sa Ghosting na officially ay magkakaroon na ng Book 2.

So first time niya ito (‘yung kissing scenes nila)? “Hindi, kasi pagkapanganak ko pa lang hinalikan agad ako ng mama ko,” sabi niya na natatawa. Anong experience? Anong feeling ng first kiss on screen?

“Iba. I don’t know. Alam ko pa rin ‘yung nangyayari. May hangover pa rin ganun.”

Pero nagkaroon ka ba ng parang ayaw mong gawin ‘yun?  “Yes, opo pero hindi dahil sa ayaw ko, kundi dahil syempre para kay Fyang. Kailangan kasi sa kanya magsisimula ito. Kung gusto niya bang gawin ko o hindi.”

May consent? “Oo.”

So anong na-feel mo after? “Ito nagka stiff neck na po ako.”

Cutesy si JM, very natural pa at hindi showbiz ang mga sagot.

Dahil nga sa malakas na dating ng Ghosting, magpapatuloy ngayong Nobyembre ang love story ng walang kamatayang pag-iibigan nina Jaja (Fyang Smith) at multong si Wilberto (JM Ibarra) sa ikalawang yugto ng trending at pinakapinag-uusapang iWant Original series ng taon na eksklusibong napapanood sa iWant.

Inanunsyo mismo ng cast ng Ghosting ang balitang ito sa kanilang guesting sa It’s Showtime kamakailan na lalo pang nagpasiklab ng excitement ng mga manonood para sa pagpapatuloy ng isa sa pinaka-pinag-uusapang iWant Originals ngayong taon.

Agad ding umani ng positibong reaksyon mula sa netizens ang kumpirmasyon, kung saan marami ang excited na masubaybayan kung saan hahantong ang pagmamahalan nina Jaja at Wilberto sa part 2 ng nasabing series.

Isa ito sa pinaka-inaabangang series ngayong 2025 matapos pumalo ng mahigit 23 million views ang mga trailer nito bago pa man ito ipalabas.

Nananatili rin ito sa Top 5 most-watched shows sa iWant sa Pilipinas, patunay ng malakas at patuloy na interes ng mga manonood.

Napanood ang huling episode nito noong Sabado (Setyembre 20).

Andrea at Maris, nagkagirian

 Kabilang sina Andrea Brillantes at Maris Racal sa talagang lumalaban para papanagutin ang mga kasama sa lumustay sa perang para sana sa flood control projects.

Sumali sila sa ginanap sa protest rally sa Luneta noong Linggo.

Samantala, magpapangabot sa isang matinding salpukan ang mga karakter nina Andrea Brillantes at Maris Racal sa FPJ’s Batang Quiapo na pinagbibidahan ni Coco Martin.

Pasabog ang maaksyong eksena ng dalawang aktres na mapapanood sa mga susunod na episode kung saan mauuwi ito sa tutukan ng kutsilyo. Sa takbo ng kwento ngayon, mapipilitan si Fatima (Andrea) na labanan ang pulis na si Ponggay (Maris) matapos siyang madamay sa operasyon sa pag-aresto kay Tanggol (Coco).

Bago pa nito, una nang natakasan ni Tanggol ang mga awtoridad at dumiretso siya sa lugar ni Fatima upang pansamantalang magtago. Dehado ngayon si Tanggol dahil inaresto na ang kanyang pamilya at itotodo ng mga Guerrero ang paninira nila laban sa mga Montenegro.

Sa kabila ng pagbagsak ng pamilya Montenegro, sisimulan na ni Tanggol ang mas malaki ­niyang misyon upang iligtas ang papa niyang si Ramon (Christopher De Leon), na kasalukuyang nag-aagaw buhay matapos barilin ni Rigor (John Estrada).

Samantala, namaalam na sa FPJ’s Batang Quiapo ang batikang aktres na si Chanda Romero pagkatapos siyang pagbabarilin ni Miguelito (Jake Cuenca).

Samantala, totoo bang, after Batang Quiapo ay may possibility na maging Kapuso si Andrea?

Sabi lang naman, wala namang confirmation.

Jameson wife material ang tingin kay Barbie, Geraldine napasabak sa ‘babuyan’

 

Grabe ang mga eksena ni Jameson Blake sa pelikulang Isla Babuyan na launching movie ni Geraldine Jennings.

Maraming pabukol ang nababalitang jowa ni Barbie Forteza.

Hahaha.

Talagang wala siyang pakialam.

ero bagay naman sa ginampanan niyang character sa pelikula na anak mayaman na na-in love sa anak ng mistress (Lotlot de Leon) ng kanyang ama (James Blanco)

Lalo na sa mga eksena niyang naka-brief lang sa dagat, flawless ang balat niya.

At bigay na bigay sa kanilang laplapan ni Geraldine si Jameson na super sexy rin sa kanyang mga eksena.Kaya naman tinanong namin si Jameson after the preview ng Isla Babuyan kung iimbitahin niya bang manood ng pelikula nila ni Geraldine si Barbie Forteza.

“Kung i-invite ko siya? Hindi ko pa alam, baka she’s busy. But if she wants, puwede rin naman! She’s supportive naman!” sabay tawa ni Jameson.

More than a year na rin kasi ang pelikulang Isla Babuyan kaya nung gawin niya ito ay wala pang nakakaalam na magiging ‘sila’ ni Barbie.

Pero for the record, sila na ba talaga ni Barbie?

“No! I did not say anything like that, you know! Hahahaha!

“Basta, we’re happy sa situation namin ngayon. I want her to enjoy it, muna.

“But what’s really important is that we’re both happy kapag magkasama kami,” sagot ng actor kahit parang may meet the mother na ba niya?

At ang dami  rin nilang sighting lately.

“Wala rin kaming magagawa, marami naman. We’re of age na, or we’re not kids anymore. So, what you see is what you get! pahabol niyang sagot na parang may ibang meaning na.

Pero ano talagang real status? Pamimilit na tanong namin.

“Basically we’re just enjoying each other’s company,” tumatawa niyang sagot.

Na sa totoo lang ay marami ang kinikilig. “Well, surprisingly marami nga, at natutuwa ako na nakikita ko ang mga comment nila, at masaya sila.”

At bongga, hindi lang daw basta girlfriend material si Barbie.

“Ahhh, not only!”

So pak, alam na that, pang-wife material na ang tingin niya sa actress.

Nagkasama sila ni Barbie sa Netflix movie na Kon­trabida Academy at doon nag-umpisa ang lahat.

At open siya sa idea na magtambal sila sa pelikula.

At siguro raw kaya sila nagkakasundo ay dahil pareho sila ng priorities sa buhay.

Samantala, walang kiyeme ang naging portrayal ng baguhang actress na si Geraldine Jennings sa Isla Babuyan na brain child ng namayapa niyang manager na si Leo Dominguez.

Talagang ipinakita niya ang kaseksihan sa launching movie niya dahil sa dagat ang karamihan sa mga eksena bilang anak ng may-ari ng Paraiso Bar na first time umuwi ng kanilang probinsya mula sa amang foreigner.

Kaya nga na-X ang Isla Babuyan sa unang review ng Movie and Television Review and Classification Board (MTRCB).

Tinapyasan ng director kaya binigyan ito ng R-18 at pwede nang ipalabas sa mga sinehan.

Bumagay talaga si Geraldine sa pelikula na na-in love pero pinagdudahan kaya bumigay siya sa challenge.

At para sa kanya, attractive si Jameson.

Kung siguro wala si Barbie... bet niya pa namang ang pagka-tisoy ng kanyang leading man.

Isa itong sexy drama movie na oo nga at maraming mga pabukol sa papwet, may kuwento naman.

Ang husay dito ni Lotlot de Leon, ganundin Paolo Gumabao na nanggulat talaga sa rami ng kanyang butt exposure sa ‘babuyan’.

Showing na sa October 1 ang Isla Babuyan, exclusive sa Robinson’s Cinemas, directed by Jose Abdel Langit.