P1.38B `winalis’ ng 2 bagyo, habagat sa agri

 

Umabot na sa P1.38 bilyon ang pinsala sa agrikultura at imprastruktura dulot ng magkasunod na Bagyong Mirasol at Nando na sinabayan pa ng habagat sa siyam na rehiyon sa bansa, ayon sa Department of Agriculture (DA).

Nasa 55,595 na mga magsasaka at farm workers ang apektado matapos salantain ng mga bagyo at habagat ang 47,723 ektarya ng kabukiran.

Ayon sa DA, nasa 109,997 tonelada ng palay, mais, high-value crops, hayop, at manok ang nawala at hindi pa kasama sa bilangan ang pinsalang dala ng Bagyong Opong na katatapos lang humagupit sa bansa, partikular sa Mindoro at Masbate.

Inutusan na ni Agriculture Secretary Francisco Tiu Laurel Jr. ang mga regional office at ang Philippine Crop Insurance Corporation (PCIC) na bilisan ang pagkuwenta ng pinsala at inatasan din niya ang National Food Authority na maglabas ng bigas para sa relief operations.

Naglaan ang PCIC ng P236 milyon na pambayad sa claims ng 25,800 na mga magsasaka. Sa naturang halaga ay P206M ang para sa palay.

Ayon sa DA, may 17,600 na mga insured farmer mula sa Ilocos at Cagayan Valley.

“Early next week we will submit our impact assessment for Opong,” sabi ni PCIC President Jovy Bernabe. (Eileen Mencias)

123 pantalan paralisado sa sama ng panahon

 

Dahil sa pananalasa ng Bagyong Opong, naapek­tuhan ang operasyon ng 123 pantalan sa iba’t ibang bahagi ng bansa.

Bilang resulta, abot sa 5,845 pasahero, kasama ang mga tsuper ng truck at cargo helper, ang hindi nakabiyahe sa kanilang mga destinasyon.

Naiulat din ang pagkaantala ng paglalayag ng mahigit 2,800 rolling cargo gayundin ang 110 barko at 53 motorbanca.

Bilang pag-iingat, mahigit 400 barko at 116 motorbancas ang pansa­mantalang ipinarada sa mas ligtas na lugar.

Kabilang sa mga rehiyong direktang apektado ng sama ng panahon ang National Capital Region (NCR), Southern Tagalog, Northern at Northwestern Luzon, Bicol, Eastern Visayas, Southern Visayas at Northeastern Mindanao.

Super Typhoon Nando nanalasa sa Northern Luzon

 Nanalasa sa Northern Luzon ang Super Typhoon Nando kung saan hinagupit nito ang Panuitan Islands sa Cagayan matapos mag-landfall alas-3 ng hapon kahapon.

Sa 5 pm advisory ng PAGASA, nakataas pa rin ang Signal No. 5 sa Babuyan Islands.

Bitbit ni Nando ang lakas ng hangin na 215 kilometers per hour (kph) at bugso na 295 kph.

Si ST Nando ay kumikilos pakanluran sa bilis na 25 kilometro bawat oras na dumaan sa Babuyan Islands.

Bagamat hindi apektado ng malakas na hampas ng hangin ang Metro Manila at Central Luzon, patuloy na makakaranas ang mga lugar na ito ng malakas na gale-force winds dahil sa trough ng bagyong Nando at habagat.

Lalabas ng Philippine area of responsibility (PAR) si Nando, Lunes ng gabi o ngayong Martes ng umaga.

Red alert itinaas vs super typhoon Nando — NDRRMC

 

Inilagay na sa pinakamataas na alert status ng National ­Disaster Risk Reduction and Management Ope­rations Center (NDRRMOC) ang paghahanda sa bagyong Nando.

Mula sa blue alert, itinaas sa red alert ang ahensiya dahil sa ma­tinding banta ng Severe Tropical Storm Nando. Ayon sa NDRRMC, ang kahulugan ng red alert ay “Immediate Emergency Response”. Blue naman kung “Preparation and Anticipation for slow-onset disaster”, habang white alert kapag “Monitoring and Assessment”.

Ayon sa PAGASA, naabot kahapon ni ­Nando ang Severe Tropical Storm category habang kumikilos sa may Philippine Sea. “As early as now ay kumilos na. Make sure na ligtas ang kanilang mga tahanan at sundin ang maaaring aksyon na ipapairal ng kanilang mga lokal na leaders para ­maibsan, ma-mi­nimize ang impacts nitong ­Nando,” ayon kay ­PAGASA administrator Dr. Nathaniel Servando.

May dala umano itong panganib dahil sa malakas na hangin at malakas na pag-ulan na magdulot ng mga pagbaha, landslides, at storm surge sa mga dalampasigan.

Alas-5 ng hapon kahapon, ang sentro ng bagyo ay namataan sa layong 725 km silangan ng Casiguran, Aurora o nasa layong 770 km silangan Echague, Isabela.

Taglay nito ang lakas ng hangin na umaabot sa 140 kph at pagbugso na umaabot sa 170 kph.

Dulot nito, signal number 1 sa Batanes, ­Cagayan kasama ang Babuyan Islands, ­Isabela, Quirino, northeastern portion ng Nueva Vizcaya, Apayao, Kalinga, Abra, Mountain Province, Ifugao, Ilocos Norte, ­northern portion ng Ilocos Sur, northern at central portions ng Aurora at ­northern and central portions ng Catanduanes.

Ngayong Linggo, ­dulot ng bagyo at habagat ay maulan sa Metro Manila, Central Luzon, CALABARZON, Bicol Region, MIMAROPA, Visayas, Northern Minda­nao, Caraga, Davao Occidental, at Davao Oriental.

Sa Lunes, Setyembre 22 ay maulan sa Central Luzon, Metro Manila, CALA­BARZON, Bicol Region, MIMAROPA, Visayas, Northern Minda­nao, Zamboanga Pe­ninsula, BARMM, SOCCSKSARGEN, Davao Occidental, at Davao Oriental.

Inaasahang mag-landfall ang bagyo sa Batanes o Babuyan Islands sa Lunes ng hapon o gabi.

Lalabas si Nando sa Philippine Area of Res­ponsibility sa Martes.

La Niña alert itinaas

 Itinaas ng Philippine Atmospheric, Geophysical and Astronomical Services (PAGASA) ang La Niña alert dahil sa posibilidad na maranasan ang pagtaas ng La Niña conditions sa bansa bago matapos ang taon.

Sa climate monitoring at analysis ng PAGASA, nagkaroon pa ng paglamig sa sea surface temperatures (SSTs) sa central at eastern equatorial Pacific.

Batay sa climate models kaagapay ang expert judgements, mayroon nang 70 percent na tsansa na magkakaroon ng La Niña sa bansa sa Oktubre ngayong taon hanggang Disyembre 2025 na posibleng tumagal pa hanggang Pebrero 2026.

Dahil dito, ang umiiral na PAGASA El Niño Southern Oscillation (ENSO) alert and Warning System ay itinaas na sa La Niña alert.

Kung tuluyang makararanas ng La Niña sa bansa ay magkakaroon ng above-average na dami ng tropical cyclone at mas mataas na tsansa na mararanasan ang above-normal rainfall conditions sa malaking bahagi ng bansa.

Ang La Niña ay ang pag-iral ng mas maraming ulan kaysa sa normal condition.

Bulkang Kanlaon, muling sumabog!

 Sumabog ulit ang Bulkang Kanlaon sa Negros Island kahapon.

Ayon sa Philippine Ins­titute of Volcanology and Seismology (Phivolcs), nagkaroon ng moderate­ explosive eruption sa summit crater ng naturang bulkan alas-2:55 ng madaling araw na may tagal na limang minuto.

“The eruption gene­rated a greyish voluminous plume that rose approximately 4.5 kilometers above the vent before drifting to the southwest.;Large ballistic fragments were also observed to have been thrown around the crater within a few hundred meters and caused burning of vegetation near the volcano summit erupted early Tuesday,” ayon sa Philvolcs.

Dulot nito, naitala ang manipis na ashfall sa mga lokalidad ng Negros Occidental sa La Carlota City – Brgys. Cubay, San Miguel, Yubo at Ara-al,  Bago City – Brgys. Ilijan at Binubuhan, La Castellana – Brgys. Biak-na-Bato, Sag-ang, at Mansalanao.

Ang bulkan ay nananatiling nasa alert level 3 status.

Kaugnay nito, sinabi ni Phivolcs director Teresito Bacolcol na kailangang maging mapagmasid at maghanda ang mamamayan doon dahil sa inaasahang mas malakas na pagsabog sa susunod na mga araw.

Nananatili namang nasa mga evacuation centers ang mga residenteng apektado ng pag-aalboroto ng Bulkang Kanlaon.

Residente malapit sa Mayon, pinaghahanda sa lahar flow

 

 Pinaalalahanan ng Philippine Volcano­logy ang Seismology (Phivolcs) ang mga residente malapit sa paligid ng Bulkang Mayon na maging mapagmasid at maghanda sa inaasahang pagdaloy ng lahar mula sa dalisdis ng bulkan na sanhi nang inaasahang patuloy na pag-ulan sa Bicol region.

Ang pahayag ay ginawa nang Phivolcs nang iulat ng PAGASA na patuloy na uulanin ang Southern Luzon kasama ang Bicol Region dulot ng shear line weather system o ang pagsasalubong ng malamig at mainit na hangin.

Ayon sa Phivolcs, dulot nang inaasahang patuloy na pag-ulan sa Southern Luzon laluna sa Bicol, inaasahan din ang pagdaloy ng lahar na mula sa naiwang deposito ng mga kolumpon ng putik sa naganap na pagsabog ng bulkan noong January hanggang March 2018.

Ang dadaloy na lahar ay babagsak sa mga watershed areas ng Miisi, Mabinit, ­Buyuan at Basud Channels malapit sa bulkan at babagsak sa mga ilog at drainage sa Miisi, Binaan, Anoling, Quirangay, Maninila, Masarawag, Muladbucad, Nasisi, Mabinit, Matan-ag, Bulawan, Basud, at Bulawan Channels sa lalawigan ng Albay.

Pinayo rin ng Phivolcs sa mga komunidad at sa local government units ng nabanggit na mga lugar na patuloy na su­baybayan ang ­kundisyon ng panahon at magsagawa ng pre-emptive ­response ­measures para sa kanilang kaligtasan mula sa patuloy na pananalasa ng shear line weather system.

Lahat ng iskul sa PDZ ng Kanlaon, isasara - OCD

 

Upang maprotektahan ang mga estudyante at mga guro, inatasan ng Office of Civil Defense (OCD) ang Department of Education (DepED) na isara ang lahat ng mga eskuwelahan sa idineklarang Permanent Danger Zone (PDZ) kaugnay ng banta sa posible pang pagsabog ng Kanlaon Volcano sa Negros Island.

Sinabi ni OCD Administrator at National Disaster Risk Reduction and Management Council (NDRRMC) Executive Director Undersecretary Ariel Nepomuceno, nagpalabas na sila ng direktiba sa Regional Task Force (RTF) Kanlaon na abisuhan ang DepEd bilang bahagi ng contingency measures upang makaiwas sa peligro.

Ayon kay Nepomuceno, bukod sa banta ng Kanlaon ay nakatutok din ang ahensiya sa panganib ng shear line at maging sa serye ng mga paglindol sa baybaying bahagi ng Ilocos Sur.

Inatasan na rin ang RTF Kanlaon na maghanda sa posibleng pagdaloy ng lahar dulot ng mga pag-ulan sa lugar at inatasan din ang mga apektadong Local Government Units (LGUs) na ilipat ng evacuation center ang mga pamilyang bakwit sa mga lugar na daraanan ng lahar. Pinasususpinde rin ang anumang infrastructure construction sa loob ng 4km PDZ.

Sa tala kahapon ng Philippine Institute of ­Volcanology and Seismology (Phivolcs), pitong beses nagbuga ng abo ang Kanlaon na may tagal na tatlong minuto hanggang dalawang oras at 26 minuto, base sa monitoring ng nakalipas na 24 oras.

Nkapagtala rin ng 25 volcanic earthquakes kabilang ang 5 volcanic tremors na may 3-40 minuto ang haba at nagluwa rin ng nasa 3,585 tonelada ng asupre.

agkaroon ng 1,200 metrong taas na makapal at walang patid na pagsingaw at panaka-nakang pag-abo gayundin ng pamamaga ng bulkan.

Unang nang inirekomenda ng Phivolcs ang paglikas ng mga tao na nasa loob sa 6-km radius mula sa tuktok ng bulkan. Bawal din ang paglipad ng anumang aircraft malapit sa tuktok ng bulkan dulot ng inaasahang biglaang pagsabog, pagbuga ng lava, pag-ulan ng abo, Pyroclastic Density Current (PDC) at rockfall gayundin ng pagdaloy ng lahar kung may malakas na pag-ulan doon.

Ang Kanlaon ay nananatiling nasa ilalim ng alert level 3 status na nangangahulugan ng mataas na aktibidad ng bulkan.

LPA sa Mindanao, naging bagyong Querubin

 

Ganap nang isang tropical depression Querubin ang isang Low Pressure Area (LPA) na namataan sa Mindanao.

Ayon sa PAGASA, ganap na alas-3 ng hapon kahapon si Querubin ay namataan sa layong 215 kilometro silangan timog silangan ng Davao City.

Taglay nito ang lakas ng hangin na umaabot sa 45 kilometro bawat oras malapit at pagbugso na 55 km bawat oras. Kumikilos si Querubin sa timog timog kanlurang bahagi ng bansa.

Dulot ni Querubin, maulan sa Davao Orien­tal, Eastern Visayas, Caraga at nalalabing bahagi ng Davao Region.

Maulan din sa Bicol Region at Quezon pro­vince dahil sa epekto ng shearline samantalang maulan sa Cagayan Valley, Cordillera Administrative Region, Aurora at Metro Manila gayundin sa nalalabing bahagi ng Luzon dahil sa epekto ng amihan.

Maulan naman sa nala­labing bahagi ng Visayas at sa Mindanao dulot nang trough ng tropical depression.

Si Querubin ay ika-17 bagyo na pumasok sa bansa.

Unang tinaya ng PAGASA na ngayong 2024 ay makakaranas ang bansa ng 20 bagyo.

Mas matinding pagsabog ng Kanlaon asahan — Phivolcs

 

 Pinayuhan ng Phi­lippine Institute of Volcanology and Seislology (Phivolcs) ang mga residenteng nakatira malapit sa Bulkang Kanlaon sa Negros na maghanda at lumikas sa mas ligtas na lugar sa mga susunod na araw.

Ito ay dahil sa inaasahang mas matinding pagsabog na maganap sa bulkan sa susunod na mga linggo.

Ayon kay Phivolcs Chief Teresito Bacolcol, nasa alert level 3 na ang Kanlaon na nangangahulugan ng pagkakaroon ng magmatic unrest at maaaring magkaroon ng matinding pagsabog.

“Pinapayuhan natin ang ating mga residente na huwag munang pumasok sa six-kilometer danger zone. Kahapon, it was an explosion, a strong explosion kahapon ang nangyari,” sabi ni Bacolcol.

Anya, kinakitaan ng magma ang bulkan hindi tulad ng nagdaang aktibidad na may steaming at may kasamang abo lamang.

“When we talk about magmatic eruption, this is magma na lumalabas at nagkaroon ng lava. Pero so far, hindi pa po natin nakikita ‘yan ngayon sa Kanlaon Volcano,” sabi pa ni Bacolcol.

Kasabay nito, pinag­hahandaan na ni National Disaster Risk Reduction and Management Council (NDRRMC) Chairman at Defense Secretary Gilbert Teodoro ang posibilidad na itaas sa alert level 4 ang Kanlaon.

Ito’y kasunod ng ginawang pulong kasama ang iba’t ibang ahensya ng pamahalaan upang agad na maaksiyunan ang posib­leng epekto ng pagputok ng nasabing bulkan.

Nabatid na tatlong Linggo ang gagawin obserbasyon sa pag-aalboroto ng Kanlaon at ina­asahan nilang posibleng lumala ang sitwasyon o iakyat sa alert level 4.

Sakaling hindi tumigil ang pag-alburoto, palalawakin pa sa 10 km radius ang danger zone sa pali­gid nito na nangangahulugan na kailangan nang ilikas ang mga residente.

Nitong Lunes ay nagkaroon ng pagsabog ang Kanlaon na may 3 minuto at 55 segundo ang haba.

Mayroon ding pyroclastic density current na naitala sa bulkan at napaka destructive nito na maaaring masunog ang anumang bagay na daluyan nito.

Bulkang Kanlaon sumabog, alert level 3 itinaas

 

Itinaas na ng Philippine Institute of Volcanology and Seismoloy (Phivolcs) sa alert Level 3 ang Bulkang Kanlaon sa Negros mula sa alert level 2.

Ito ayon sa Phivolcs ay makaraang magkaroon ng matinding pagsabog ang bulkan sa may summit vent ng Kanlaon Volcano alas- 3:03 ng hapon ng Lunes, December 9.

Pinapayuhan ng Phivolcs ang lahat ng lokal na pamahalaan na nasa palibot ng Kanlaon na ilikas ang mga residente na nasa loob ng anim na kilometrong layo mula sa bunganga ng bulkan at maghanda ng inaasahang evacuation sa mas ligtas na lugar dahil sa posibleng matinding pagputok ng bulkan.

Una rito, alas-8 ng umaga ang Kanlaon ay nag-record ng isang pagbuga ng abo na may haba na 16 minuto, 6 volcanic earthquakes, pagluwa ng 4,638 tonelada ng asupre, walang patid na pagsingaw at panaka-nakang pag-abo na napadpad sa timog-kanluran at pamamaga ng bulkan.

Ipinagbabawal din ng Phivolcs ang paglipad ng anumang aircraft sa tuktok ng bulkan.

BAGYONG GENER - BAHAYANG HUMINA ILANG LUGAR KABILANG ANG METRO MANILA, INALIS NA SA TROPICAL CYLONE WIND SIGNALS

 

Bahagyang humina ang Tropical Despression Gener habang papunta sa West Philippines Sea

Sa 11 am bulletin ng PAG_ASA _huling namatan ang sentro ng bagyo sa may bisinidad ng Kibungan, Benguet.

Taglay nitoang lakas hangin na aabot ng 45 kilometro kada oras at bugsong papalo ng hanggang 55 kilometrokada oras.

Nakataas parin ang tropical cylone wind signal number 1 sa Cagayan kabilang ang Babuyan Islands, Isabela, Quirino, Nueva Vizcaya, Apayao,Benguet, Ilocaos Norte, Ilocos Sur, La Union, Pangasinan, Zambales, Tarlac, Nueva Ecija at Pangpanga.

Posible itong lumabas ng Philippine Area of Responsibility (PAR) ngayong gabi, o kaya bukas ng umaga.

Subalit, ang isang pang binbantayanng bagyo na may international namena Pulasan ay huling namataan sa layong 1,940 kilometro , silangan ng Northern Luzon.

Samantala ngayong araw, aasahan parin ang pagbuso-bugsong pag ulan na dala ng southwest monsoon on habagat sa bahagi ng Palawan, occidental Mindoro, Aklan, Antique at Negros Occidental.

Apiktado na rin blalabing bahagi ng MIMAROPA , Western Visayas, at Negros Island Region Kaya asahan ang minsang mga pag-lan