Maraming salamat Tatay Digong Duterte, #song

Ibalik ang 60B sa PhilHealth Pera ng taong bayan yan..#news

Ninakawan na nga tayo, tayo pa ang mag-reimburse ng pera sa #philhealth...

Nangako si Marcos ng patuloy na kampanya laban sa 'pang-aabuso at karapa...

Iniutos ng Supreme court na ibalik ng P60 bilyon sa PhilHealth #news

Mga Senador na sasampahan ng kasong plunder sa Ombudsman | Enan Vlog #news

Ayon sa abogado ni Zaldy Co, wala silang ebidensya para i forfeit ang pa...

Marcos explains why no one has been detained yet in connection with floo...

Lumipad patungong South Korea si Marcos para sa APEC Summit

Ombudsman Boying Remulla holds press briefing October 29, 2025 l Enan Vl...

ICI, Sinampahan na ng kaso sina Sen. Estrada, Joel, Villanueva at Zaldy ...

Sen. Bong Go Sinampahan ng reklamong plunder ni Trillanes #news

Pres. Ferdinand Marcos joint ASEAN Summit opens in Malaysia 47th ASEAN S...

Sinugod ang ICI ng iba't ibang grupo na nagsagawa ng kilos protesta sa h...

Anak ng bilyonaryong si Joseph Sy nagpanggap na Pinoy

 Nagbabala si Senadora Risa Hontiveros na mas lalong lumalalim ang impluwensiya ng China sa Pilipinas matapos mabunyag ang panibagong ebidensiya ng pekeng citizenship na kinasasangkutan ng pamilya ng kontrobersiyal na negosyanteng si Joseph Sy.

Sa kanyang talumpati sa Senado, ibinunyag ni Hontiveros na ang anak ni Sy na si Johnson Cai Chen o Johnson Chua Sy ay may dalawang passport—isang Chinese at isang Pilipino—at dalawang birth certificate na magkaiba ang detalye ng magulang. Giit ng senadora, bawal sa China ang dual citizenship kaya malinaw na may panlilinlang at malaking banta ito sa pambansang seguridad.

“Hindi lang ito simpleng kaso ng pekeng papeles. Ito ay malinaw na ope­rasyon ng mga sleeper agents ng China na nakapasok na sa ating lipunan, Inaresto si Joseph Sy noong Agosto 21, 2025 sa NAIA Terminal 3 ng Bureau of Immigration dahil sa pagpapanggap bilang Pilipino. Lumabas sa imbestigasyon na tugma ang kanyang fingerprints sa isang Chinese national na nagngangalang Chen Zhong Zhen.

Nakadetine ito sa BI detention facility sa Bicutan, Taguig habang iniim­bestigahan at nahaharap sa deportation. ekonomiya, at maging sa ating­ politika,” dagdag ng senadora.

Aniya, konektado si Joseph Sy sa malign influence and foreign interference activities (MIFI) at Hongman Association, isang sindikatong may ugnayan sa Chinese Communist Party.

40 na patay sa habagat, 3 bagyo — NDRRMC

 

Umakyat na sa 40 ang nasawi dahil sa epekto ng habagat at magkakasunod na Bagyong Opong, Nando at Mirasol, ayon sa pinakahuling ulat ng National Disaster Risk Reduction and Management Council (NDRRMC) nitong Oktubre 2 ng umaga.

Mula sa 37 noong Miyerkoles, nadagdagan pa ang bilang ng mga nasawi, kung saan pinakamarami ay mula sa Bicol Region, 20; Cagayan Valley, 8; Cordillera Administrative Region, 4; tig-dalawa sa Central Luzon at Central Visayas; at tig-isa sa Ilocos Region, Mimaropa, Western Visayas at Eastern Visayas.

Sa kabuuan, apat ang na-validate na casualty, 14 ang nawawala at 41 ang sugatan.

Tinatayang 4.4 milyon katao o 1.1 milyong pamilya mula sa 15 rehiyon ang naapektuhan ng kalamidad.

Alkalde, SB members kinasuhan sa Ombudsman

 

Nahaharap sa kasong ‘Grave Abuse of Authority’ at paglabag sa Anti-Graft and Corrupt Practices Act si Mauban, Quezon Mayor Bautista Erwin Dwight Pastrana at mga miyembro ng kanyang Sangguniang Bayan sa iligal na pagsususpinde sa labing-siyam na barangay chairmen ng kanilang probinsiya.

Sa inihaing complaint, kasama ni Pastrana sa mga nakasuhan ang buong municipal council. Sa isang panayam, matapos ihain ang kaso, sinabi ni Rodante Almacen, Barangay Chairman ng San Isidro na ang pagsususpinde sa kanila nila Pastrana ay di dumaan sa tamang proseso.

“Anim na buwan pa, ang ipinataw sa amin na suspensiyon, na di dumaan sa anumang formal na hearing,” paliwanag ni Almacen.

Ang kasong paglabag sa Anti-Graft and Corrupt Practices Act, aniya, ay dahil sa paggamit ng pondo ng pamahalaan para ibayad sa isang pribadong abogado na nagsampa at siyang gumawa ng reklamo laban sa kanila, dahilan upang sila ay suspendihin. Ipinunto ng mga barangay chairman ang Commission on Audit (COA) Circular at desisyon ng Supreme Court (SC) na nagbabawal sa mga sangay ng pamahalaan na kumuha at gumamit ng serbisyo ng private counsel o abogado upang irepresenta sila sa husgado.

Sa kanilang reklamo, inihayag ng mga kapitan na base sa Section 65 ng Local Government Code (LGC) at sa desisyon ng SC, kinakailangang dumaan sa ‘formal hearing’ at imbestigasyon ang pagsususpinde ng mga halal ng bayan na mga opisyal ng pamahalaan, bago ito masuspinde o tanggalin sa puwesto.

Sina Pastrana at mga local official ay sinampahan naman ng kasong graft sa pagkuha ng private lawyer gamit umano ang pondo ng bayan.

Simbahan nakisanib-puwersa sa Barangay Development Program

 

Mas lumakas pa ang puwersa ng Barangay Development Program (BDP) ng National Task Force to End Local Communist Armed Conflict (NTF-ELCAC) matapos na pormal na sumali ang Philippine Council of Evangelical Churches (PCEC) sa Executive Committee (Execom), kalakip ang pangakong buong suporta para sa kapayapaan at kaunlaran.
Inanunsyo ito sa isang press conference sa Malacañang matapos ang ika-8 pagpupulong ng Execom ng NTF-ELCAC, kung saan inilarawan ni PCEC National Director Bishop Noel Pantoja ang pakikipag-ugnayan bilang isang espiritwal na tungkulin at makabayang pananagutan.

“This is a blessing to the church but at the same time to the country… Makakasigurado po kayo sa presence ng church ngayon, babantayan po natin yung ghost projects. At makakasigurado tayo na ang church talaga ay galit sa korapsyon at tinindigan natin ito hanggang ngayon,” pahayag ni Pantoja.

Kinakatawan ng PCEC ang 78 evangelical denominations, mahigit 40,000 lokal na simbahan, at 268 misyon at iba pang organisasyong panrelihiyon. Sa pag-upo nito sa Execom, tiniyak na magiging aktibo ang simbahan sa paghubog at pagmamanman ng mga polisiya at programang tumutugon sa ugat ng insurhensiya.

Sa isang sulat ng suporta noong Setyembre 19, 2025 para sa NTF-ELCAC, binigyang-diin ni Bishop Pantoja na pinupuri ng PCEC ang pamahalaan “sa pag-i-institutionalize ng whole-of-nation, people-centered, at human rights-based blueprint upang tugunan ang ugat ng insurhensiya at makamtan ang inklusibo at pangmatagalang kapayapaan.”

Dagdag niya, ang pagtutugma ng National Action Plan for Unity, Peace and Development (NAP-UPD) 2025–2028 sa mas malawak na balangkas ng seguridad at kaunlaran ng bansa ay nagbibigay ng “makasaysayang pagkakataon upang mai-localize ang mga interbensyon, mapalakas ang monitoring at evaluation, at ma-engganyo ang multi-sektoral na pakikipagtulungan.”

MAIP, health center tatalupan – Magalong Herbosa tagilid sa DOH scandal

 Isa ang Department of Health (DOH) na pinamumunuan ni Secretary Teodoro Herbosa sa mga dapat umanong isunod na imbestigahan kaugnay ng mga iregularidad at anomalya sa ahensiya, ayon kay Baguio City Mayor Benjamin Magalong.

Sinabi ni Magalong na bukod sa Department of Public Works and Highways (DPWH), kailangan din maimbestigahan ang DOH dahil sa isyu ng Medical Assistance for Indigent Program (MAIP) at mga health center. “Hindi lang diyan sa DPWH natatapos ‘yan, meron pa ‘yan DOH akala nila wala sa front sight namin ‘yan, ‘yan si Ted Herbosa, malapit ka na rin,” babala ng alkalde sa isang radio interview.

Sinabi ni Magalong na ang organisasyon nilang Mayors for Good Governance (M4GG), ay nakatanggap ng tambak na reklamo hinggil sa hindi patas na distribusyon ng MAIP.

“Sa Mayors for Good Governance isa rin ‘yan sa mga tinitignan namin, marami kaming natatanggap na complaint diyan,” wika ni Magalong. “Hindi equitable ang distribution ng MAIP.”

Naalarma naman si Senador Sherwin Gatchalian sa halos P15 bilyong halaga ng mga proyekto ng DOH na hanggang ngayon ay hindi pa tapos o hindi pa napapakinabangan, kabilang na ang mga tinatawag niyang “haunted” super health centers dahil may mga nakatayo ngang gusali pero matagal nang hindi nagagamit at walang mga tao.

Sa pagdinig ng Senate Committee on Finance para sa panukalang 2025 budget ng DOH at attached agencies nito, binanggit ni Gatcha¬lian ang 2024 na ulat ng Commission on Audit (COA), kung saan lumabas na 123 proyekto na nagkakahalaga ng P11.54 bilyon ang hindi natapos sa itinakdang panahon ng kontrata.

Batay naman sa datos ng DOH, sinabi ng senador na mula sa 1,099 super health centers na planong itayo mula 2021 hanggang 2024, 319 proyekto na nagkakahalaga ng P3 bilyon ang nananatiling hindi pa rin tapos o hindi pa nag-o-operate.

“Hindi natin papayagang maulit ang mga ‘haunted’ super health center o mga hindi pa natatapos na proyekto. Lahat ng nasa ilalim ng Health Facilities Enhancement Program ay kailangang matapos. Sayang ang pera dahil ang pinag-uusapan natin dito ay P15 bilyon,” ani Gatchalian, na siyang chairman ng Senate Committee on Finance.

Inirekomenda naman ng senador ang isang counterpart program kung saan magtutulungan ang DOH at mga local government unit sa paglalaan ng pondo para sa pagpapatayo at pagpapatakbo ng mga pasilidad na pangkalusugan upang maiwasan ang pagtatayo ng mga haunted health center.

Jinggoy tinabla ng Sandiganbayan sa PDAF scam

Ibinasura ng Sandiganbayan ang motion for reconsideration ni Senador Jinggoy Estrada sa kanyang graft case kaugnay ng P200 milyong Priority Development Assistance Fund (PDAF) scam.

Ayon sa desisyon ng Sandiganbayan Special Fifth Division, sapat ang ebidensiyang iniharap ng prosekusyon kaugnay ng naturang pork barrel scheme na kinasasangkutan din ni Janet Napoles. Dahil dito, magpapa¬tuloy umano ang paglilitis at pagtatag ng prima facie case laban kay Estrada, at inatasan din siyang iharap ang kanyang depensa sa pagpapatuloy ng trial.

Binigyang halaga ng Sandiganbayan ang testimonya ni Ruby Tuason, dating aide ni dating Pa¬ngulong Joseph “Erap” Estrada, at whistleblower Benhur Luy, na nag-ugnay kay Estrada sa mga pagpupulong, pag-apruba ng mga proyekto at pag-endorso sa mga nonprofit organization (NGO) ni Napoles.

Tinukoy rin ng korte ang paper trail na nagpapakitang paulit-ulit na iniendorso ni Estrada ang mga Napoles-linked NGO, na naging maha¬laga sa pagpapatupad ng umano’y maanomalyang proyekto. Bukod sa PDAF scam, matatandaang nahaharap din si Estrada sa hiwalay na alegasyon na tumanggap siya ng 30% kickback mula sa P300 milyong flood control project, kung saan nadawit din si Senador Joel Villanueva sa umano’y kickback sa P600 milyong proyekto sa Bulacan.