Andrea at Maris, nagkagirian

 Kabilang sina Andrea Brillantes at Maris Racal sa talagang lumalaban para papanagutin ang mga kasama sa lumustay sa perang para sana sa flood control projects.

Sumali sila sa ginanap sa protest rally sa Luneta noong Linggo.

Samantala, magpapangabot sa isang matinding salpukan ang mga karakter nina Andrea Brillantes at Maris Racal sa FPJ’s Batang Quiapo na pinagbibidahan ni Coco Martin.

Pasabog ang maaksyong eksena ng dalawang aktres na mapapanood sa mga susunod na episode kung saan mauuwi ito sa tutukan ng kutsilyo. Sa takbo ng kwento ngayon, mapipilitan si Fatima (Andrea) na labanan ang pulis na si Ponggay (Maris) matapos siyang madamay sa operasyon sa pag-aresto kay Tanggol (Coco).

Bago pa nito, una nang natakasan ni Tanggol ang mga awtoridad at dumiretso siya sa lugar ni Fatima upang pansamantalang magtago. Dehado ngayon si Tanggol dahil inaresto na ang kanyang pamilya at itotodo ng mga Guerrero ang paninira nila laban sa mga Montenegro.

Sa kabila ng pagbagsak ng pamilya Montenegro, sisimulan na ni Tanggol ang mas malaki ­niyang misyon upang iligtas ang papa niyang si Ramon (Christopher De Leon), na kasalukuyang nag-aagaw buhay matapos barilin ni Rigor (John Estrada).

Samantala, namaalam na sa FPJ’s Batang Quiapo ang batikang aktres na si Chanda Romero pagkatapos siyang pagbabarilin ni Miguelito (Jake Cuenca).

Samantala, totoo bang, after Batang Quiapo ay may possibility na maging Kapuso si Andrea?

Sabi lang naman, wala namang confirmation.

Jameson wife material ang tingin kay Barbie, Geraldine napasabak sa ‘babuyan’

 

Grabe ang mga eksena ni Jameson Blake sa pelikulang Isla Babuyan na launching movie ni Geraldine Jennings.

Maraming pabukol ang nababalitang jowa ni Barbie Forteza.

Hahaha.

Talagang wala siyang pakialam.

ero bagay naman sa ginampanan niyang character sa pelikula na anak mayaman na na-in love sa anak ng mistress (Lotlot de Leon) ng kanyang ama (James Blanco)

Lalo na sa mga eksena niyang naka-brief lang sa dagat, flawless ang balat niya.

At bigay na bigay sa kanilang laplapan ni Geraldine si Jameson na super sexy rin sa kanyang mga eksena.Kaya naman tinanong namin si Jameson after the preview ng Isla Babuyan kung iimbitahin niya bang manood ng pelikula nila ni Geraldine si Barbie Forteza.

“Kung i-invite ko siya? Hindi ko pa alam, baka she’s busy. But if she wants, puwede rin naman! She’s supportive naman!” sabay tawa ni Jameson.

More than a year na rin kasi ang pelikulang Isla Babuyan kaya nung gawin niya ito ay wala pang nakakaalam na magiging ‘sila’ ni Barbie.

Pero for the record, sila na ba talaga ni Barbie?

“No! I did not say anything like that, you know! Hahahaha!

“Basta, we’re happy sa situation namin ngayon. I want her to enjoy it, muna.

“But what’s really important is that we’re both happy kapag magkasama kami,” sagot ng actor kahit parang may meet the mother na ba niya?

At ang dami  rin nilang sighting lately.

“Wala rin kaming magagawa, marami naman. We’re of age na, or we’re not kids anymore. So, what you see is what you get! pahabol niyang sagot na parang may ibang meaning na.

Pero ano talagang real status? Pamimilit na tanong namin.

“Basically we’re just enjoying each other’s company,” tumatawa niyang sagot.

Na sa totoo lang ay marami ang kinikilig. “Well, surprisingly marami nga, at natutuwa ako na nakikita ko ang mga comment nila, at masaya sila.”

At bongga, hindi lang daw basta girlfriend material si Barbie.

“Ahhh, not only!”

So pak, alam na that, pang-wife material na ang tingin niya sa actress.

Nagkasama sila ni Barbie sa Netflix movie na Kon­trabida Academy at doon nag-umpisa ang lahat.

At open siya sa idea na magtambal sila sa pelikula.

At siguro raw kaya sila nagkakasundo ay dahil pareho sila ng priorities sa buhay.

Samantala, walang kiyeme ang naging portrayal ng baguhang actress na si Geraldine Jennings sa Isla Babuyan na brain child ng namayapa niyang manager na si Leo Dominguez.

Talagang ipinakita niya ang kaseksihan sa launching movie niya dahil sa dagat ang karamihan sa mga eksena bilang anak ng may-ari ng Paraiso Bar na first time umuwi ng kanilang probinsya mula sa amang foreigner.

Kaya nga na-X ang Isla Babuyan sa unang review ng Movie and Television Review and Classification Board (MTRCB).

Tinapyasan ng director kaya binigyan ito ng R-18 at pwede nang ipalabas sa mga sinehan.

Bumagay talaga si Geraldine sa pelikula na na-in love pero pinagdudahan kaya bumigay siya sa challenge.

At para sa kanya, attractive si Jameson.

Kung siguro wala si Barbie... bet niya pa namang ang pagka-tisoy ng kanyang leading man.

Isa itong sexy drama movie na oo nga at maraming mga pabukol sa papwet, may kuwento naman.

Ang husay dito ni Lotlot de Leon, ganundin Paolo Gumabao na nanggulat talaga sa rami ng kanyang butt exposure sa ‘babuyan’.

Showing na sa October 1 ang Isla Babuyan, exclusive sa Robinson’s Cinemas, directed by Jose Abdel Langit.

Janella ayaw nang magpagago; nagpakatotoo sa ‘relasyon’ nila ni Klea

 “Tama na ang panggagago sa ating mga Pilipino,” sabi ni Janella Salvador kahapon sa Spotlight presscon ng Star Magic.

“Kasi ‘di ko rin masikmura na nasa presscon ako ngayong araw na ‘to at di ‘ako mag-speak up about current happenings sa country natin. Gusto ko lang I share—I mean, gusto ko lang maglabas ng statement na laban lang, and it’s really, really time na we all join forces and let our voices be heard, and tama na ‘yung panggagago talaga sa atin, sa mga Pilipino.

“Di natin deserve ‘yung mga band-aid solutions, and it’s really time, time for us to be heard, and sana gamitin din nung iba ‘yung platform nila,” pahayag pa ng actress na busy sa Cinemalaya movie na Open Endings with Jasmine Curtis-Smith, Klea Pineda, and Leanne Mamonong at sa ipapalabas na teleseyeng What Lies Beneath with Charlie Dizon, Kaila Estrada, Sue Ramirez, Jake Cuenca, and JM De Guzman.

Dagdag niya pa : “Kasama ninyo ako sa laban and like I’ve said ngayon masaya ako, pero sobrang sumasasakit ang puso ko nangyayari sa country natin.

“Lalo na as a mom, masakit isipin na ‘yung future ng mga anak natin, naisip ko si Jude, parang nakasalalay ‘yung future sa actions natin now.

“Ang laking tulong ‘yung nangyayari na nagsama-sama tayo dahil para rin ito sa kinabukasan, sa future generation ng mga bata,” sabi pa ni Janella.

At sa susunod na protesta ay handa raw siyang lumabas na at makiisa.

Anyway, iba raw talaga ang naging dynamics ng relationship nila ng mga katrabaho sa Open Endings.“Si Jasmine pareho kaming Aries, so nagkasundo kami dun na parang ‘same tayo ganyan-ganyan.’ Halos same kami ng energy, pero siya ‘yung mas extrovert na Aries, at ako ‘yung medyo introvert. Kami naman ni Lian, Lian din introvert siya, so kami yung parang minsan pag ano, medyo tahimik kami nagre-reserve ng energy. Tapos si Klea naman, ayun, makikita ninyo naman, nagiging close rin kami, nagha-hang out din kami, so ayun, ayun kaming apat, ‘yun ‘yung dynamics namin. Parang nagkasundo kami ng humor kasi yung mga pinagtatawanan namin minsan napapagalitan kami dun sa set kasi tawa kami nang tawa, so pinapatahimik kami.”

Pero, ‘what you see is what you get’ ang consistent na sagot niya pag tinatanong kung ano ang level of closeness nila ni Klea na madalas niyang ka-hangout lately.

Bagama’t inamin niya na lampas na sa trabaho ang kanilang closeness, pero ipinunto ng aktres na silang apat ang nagkaroon genuine bond sa shooting ng Open Endings.

Saka wala raw siyang kailangang ipaliwanag tungkol sa kanila ni Klea. “Honestly, at this point I don’t think we owe anyone naman an explanation about personal things. Kung baga, so you feel free to think what you think. Feel free to interpret what you feel like interpreting. Kung anuman yung nakikita ninyo... alam n’yo naman ako, lagi ako nagpapakatotoo, real lang ako palagi, so if I feel like sharing anything in the future, I promise you, kung ano ang makikita ninyo.”

At dream project daw niya talaga ang pelikulang Open Endings na isang kwento ng apat na queer na babae na mga ex na naging best of friends.