Gerald in denial sa kanilang break up?! Julia Barretto, exclusively dating na sa super rich businessman?!

 

In denial pa ba si Gerald Anderson sa break-up nila ni Julia Barretto?

“We’re ok” lang kasi ang naging sagot ng aktor nang tanungin siya ni Toni Gonzaga sa Toni Talks nung napag-usapan ang tungkol sa real status nila ng (ex) girlfriend niya three months ago.

“Everyone thinks na nag-break kayo ni Julia,” sabi Toni Gonzaga that time.

“No, we’re okay. Kaya nga kanina hinatid ko siya sa airport, papunta silang Dubai. Kaya medyo napaaga ako,” sagot naman ni Gerald.

“So it’s not true?” susog ni Toni that time.

“No,” mabilis na sagot ulit Gerald.

“Parang nag-erase raw ng photos?” sundot ni Toni.

“Hindi,” pagtutuwid ni Gerald.

That was three months ago, nag-uumpisa pa lang noon ang sinasabing break up nila ng actress.

Last May pa nang unang napansin ng mga ‘marites’ na hindi na sila nakikitang magkasama.

Like noong kasal ng kapatid ni Julia na si Claudia Barretto kay Basti Lorenzo, absent ang actor.

Ganundin daw nung birthday ni Marjorie Barretto, mommy ni Julia.

Hindi raw katulad noon na visible si Gerald sa mga ganap ng pamilya Barretto.

Hanggang napansin na rin ng mga follower ni Julia na nagbiyahe siya sa Morocco na hindi na ang actor ang kasama.

Samantalang si Gerald ay nagni-nature trip na kasama ang mga kaibigan.

Naging busy na rin si Gerald sa Sins of the Father.

At higit sa lahat, hindi na rin daw nila pinupusuan ang mga post ng isa’t isa.

Dahil doon tumibay ang ispekulasyon na hiwalay na sila hanggang napabalita na nali-link ang actor sa volleyball player.

Pero nang magkaroon ng set visit ang Sins of the Father, medyo nabawasan ulit ang duda ng ibang hiwalay na nga sila dahil sinabi ni Gerald na “Happy, supportive, alam naman niya hindi ito biro. Siyempre, as much as makuha mo lahat ng suporta ng mga tao sa paligid mo, napakaimportante [ang support niya] para sa mga ganitong responsibilities,” sabi ng actor sa mga kausap na writer nang tanungin siya kung anong sinabi ni girlfriend sa kanyang pagiging direktor na rin.

Sabi pa niya that time, handa siyang idirek si Julia.

Pero iba na ang kuwento ngayon.

Ayon sa super reliable source, exclusively dating na diumano si Julia sa isang miyembro ng old rich family at naging ex ng isang local pretty politician at nilandi rin ng isang beauty queen / actress.

“Magkaiba sila ng social status ni Gerald,” maiksing sabi ng source tungkol sa bagong sinasabing ka-date ni Julia.

Pero medyo hawig daw sa actor.

Kaya ang say ng source, wala nang chance magkaayos sina Gerald and Julia kahit pa sinasabing tuloy ang panunuyo ni Gerald sa ex.

Kung ganun, naiwan sa ere ang actor?

Dahil ang ex niyang si Bea Alonzo stable na rin ang relasyon sa bilyonaryong si Vincent Co habang si Julia nga raw ay miyembro ng alta sociodad ang kasalukuyang dini-date.

So pasok ba ‘yun sa ghosting? Or emotional fatigue?

Maalalang na-label ng ghosting si Gerald nang maging sila ni Julia na hindi pa formal ang break up nila ni Bea.