BOC hinatak 13 luxury car ng mga Discaya

 Inilipat na sa Bureau of Customs (BOC) sa Port Area, Maynila ang 13 luxu¬ry car ng mga Discaya na inisyuhan ng warrant of seizure.

Ang mga sasakyan ay kinuha sa St. Gerard Cons¬truction compound sa Pasig City pasado ala-1:00 ng madaling-araw at dinala sa pasilidad ng BOC sa Maynila. Ayon sa BOC, pito sa mga ito ay walang import entry at walang certificate of payment tulad ng Toyota Tundra, Toyota Sequoia, Rolls-Royce Cullinan, Mercedes-Benz AMG G63, Mercedes-Benz G 500, Lincoln Navi¬gator 2021 at Bentley Bentayga.

Habang, anim naman ay may import entry pero walang certificate of payment. Kabilang dito ang Lincoln Navigator 2024, GMC Yukon Denali, Cadillac Escalade 2021, Masera¬ti Levante Modena, GMC Yukon XL Denali at Cadillac Escalade ESV.

Sinabi ni BOC Commissioner Ariel Nepomuceno, maaaring kumita ng P220 milyon ang gobyerno oras na mapatunayan na pinuslit lamang ito sa bansa at masubasta ito sa publiko.

“Sisiguradin namin na kapag ginawa ‘yan, magiging transparent at competitive iyong magiging auction or bidding upang iyong magi¬ging koleksyon ng pamahalaan simula diyan sa mga sasakyan na ‘yan ay magagamit para sa mga programa ng ating gobyerno,” wika ni Nepomuceno.

Sa pagtaya ng BOC ang hindi nabayarang import taxes sa 13 luxury vehicles ay P110 milyon.

“That means we’re looking at a minimum of P200 million worth of collection from these vehicles once we auction this,” saad ni Nepomuceno.

Lacson pinalagan paninira sa Blue Ribbon probe

 Pinalagan ni Senate President Pro Tempore Panfilo “Ping” Lacson ang pag¬lutang ng isang lumang larawan kung saan kasama niya ang mag-asawang Discaya noong 2025 elections.

Ayon kay Lacson, ginagamit lamang ang lumang larawan para siraan ang kanyang pamumuno sa imbestigasyon ng Senate Blue Ribbon Committee hinggil sa mga anomalya sa mga flood control project. Sinabi ng senador kinunan ang lara¬wan noong panahon ng kampanya noong 2025, kaugnay ng imbitasyon sa isang political rally na kanyang tinanggihan — at wala nang iba pa.

“The fact that it is being circula¬ted only means that it intended to besmirch my reputation and credibility in chairing the Blue Ribbon Committee on the flood control project anoma¬lies,” ani Lacson.

Aniya, noong campaign period, dinala ng isang campaign supporter mula sa Davao City na si Fred Villaroman ang mga Discaya sa opisina ni Lacson sa Taguig City. Ang ama ni Villaroman, ang yumaong P/Brig. Gen. Francisco Villaroman, ay nagsilbi sa ilalim ni Lacson sa Philippine National Police at naging hepe ng security detail ni noo’y Davao City Mayor Rodrigo “Digong” Duterte hanggang 2016.

Sa pulong na iyon, inimbitahan si Lacson na dumalo sa isang political rally ng party-list group na Pinoy Ako, kung saan tumatakbo bilang nominee ang anak ng mga Discaya. Dumalo rin sa pulong sina Cezarah at Paci¬fico Discaya II.

Binigyang-diin din ni Lacson na hindi nila tinalakay ang anumang campaign contribution. “I did not receive, nor did the Discayas offer any campaign contribution in whatever form,” sabi niya.

BBM trabaho pa more sa pagtaas ng rating

 Tuloy lamang sa kanyang trabaho si Pangulong Ferdinand “Bongbong” Marcos Jr. kahit tumaas na ang kanyang rating sa survey ng Social Weather Stations (SWS).

Ito ang sinabi ni Pa¬ngulong Marcos nang matanong sa survey na 46% ng mga Pilipino ang kuntento sa kanyang trabaho. “I don’t look so much… it’s of course nice to know… I didn’t know about that, now that you tell me, of course I’m glad it’s that way, we just have to keep working, wala namang… whatever is happening,’’ wika ni Marcos sa interview ng mga reporter sa Masbate.

“Kahit na anong nangyayari, kahit may bagyo, kahit na may eskandalo, kahit may gulo, ang taong bayan ay umaasa sa pamahalaan na tuloy ang serbis¬yo, tuloy ang trabaho ng pamahalaan at eve¬ry le¬vel, at the national level, at the local level na tuloy-tuloy lang,’’ dugtong pa niya.

Binanggit pa ni Marcos na ang public servant na katulad niya ay dapat patuloy na nagtatrabaho at hindi namumulitika.

Sa survey na isinagawa noong Hunyo 25-29, tumaas ng 20-point ang sa¬tisfaction rating nito kumpara noong Abril. Isina-gawa ang survey bago ang State of the Nation Address (SONA) ni Pangulong Marcos noong Hulyo 28 kung saan binanatan niya ang flood control project na kinasasangkutan ng mga mam¬babatas.

Ito ang naging hudyat para maimbestigahan ang mga senador at kongresista sa flood control scam at ang paglulunsad ng malawakang rally laban sa korapsiyon.