Lacson nagparinig sa taong maingay

 Tila may pasaring si Se¬nate President Pro Tempore Panfilo “Ping” Lacson sa kanyang post sa social media noong Lunes at nitong Martes.

“A wise man once taught me – the best res¬ponse to nonsense is silence,” sabi ni Lacson sa X [dating Twitter] noong Lunes.

Binanggit naman ng senador nitong Martes ang isang kasabihan na ang pinakamaingay sa silid ay siyang pinakamahina.

“There is one saying – The loudest one in the room is the weakest. He is very vocal, boastful and aggressive so he can create an image of strength through noise. It is best to ignore and make him stand on an empty platform,” sabi pa ni Lacson.

Ginawa ng senador ang post matapos mag-privilege speech si Senador Rodante Marcoleta noong Lunes at batikusin si Lacson dahil hindi man lang nagbigay ng courtesy nang iharap sa Senate Blue Ribbon committee ang testigong si Marine MSgt. Orly Guteza.

3 chopper ni Zaldy Co tinangkang ibenta

 Kinumpirma ng Civil Aviation Authority of the Philippines (CAAP) kay Department of Public Works and Highways (DPWH) Secretary Vince Dizon na sinubukang i-deregister o alisin sa Pilipinas ang registration ng tatlong air assets na konektado kay resigned Ako Bicol Party-list Representative Zaldy Co.

Ipinaliwanag ni DPWH Secretary Dizon na ang dere¬gistration ang unang hakbang upang maibenta ang mga chopper sa ibang tao o sa ibang bansa.

Aniya, tatlong kompanya na may kaugnayan kay Co ang sumubok na i-deregister ang mga helicopter pero ito ay napigilan at nakabitin ngayon ang deregistration dahil sa freeze order.

Dagdag pa ng kalihim, kung hindi mai-deregister ang mga chopper ay hindi ito mabebenta kahit kanino.

Matatandaang, ibinunyag ni Dizon ang P4.7 billion na halaga ng air asset ng dating kongresista.

Dating Speaker Martin Romualdez, inimbestigahan na patungkol sa flood co...