Jinggoy, Villanueva ‘di pa lusot sa budget insertion – Lacson

 Nilinaw ni Senate President Pro Tempore at  Senate blue ribbon committee chairman  Panfilo “Ping” Lacson na hindi pa clear sina Sens. Jinggoy Estrada at Joel Villanueva sa mga isyu ng  budget insertion kaugnay sa maanomalyang flood control projects.

Sa isang tugon sa isang post sa X (dating Twitter) Huwebes ng gabi, nilinaw ni Lacson na ang ginawang pagharap ng dalawang senador sa mga nag-aakusa sa kanila ay hindi nangangahulugan na sila ay malinis na.

“By any measure, Senators Villanueva and Estrada have not been cleared, at least on the issue of budget insertions involving infrastructure projects in Bulacan worth P600-M and P355-M respectively, as alleged by Engr. Brice Hernandez,”ani  Lacson.

Sinabi ni Lacson sa pagdinig ng Senado noong Huwebes na P600 milyon para sa flood control projects sa Bulacan ang nakita sa Unprogrammed Fund sa ilalim ng 2023 General Appropriations Act (GAA), na naunang iniugnay ni Hernandez kay Villanueva.

“By any measure, Senators Villanueva and Estrada have not been cleared, at least on the issue of budget insertions involving infrastructure projects in Bulacan worth P600-M and P355-M respectively, as alleged by Engr. Brice Hernandez,”ani  Lacson.

Sinabi ni Lacson sa pagdinig ng Senado noong Huwebes na P600 milyon para sa flood control projects sa Bulacan ang nakita sa Unprogrammed Fund sa ilalim ng 2023 General Appropriations Act (GAA), na naunang iniugnay ni Hernandez kay Villanueva.

Samantala, sinabi ni Lacson na nakita ng kanyang tanggapan sa regular na badyet ng 2025 GAA ang P355 milyon sa mga proyektong pang-imprastraktura sa Bulacan na iniugnay ni Hernandez kay Estrada.

Itinanggi rin ni Estrada ang mga paratang.

Nauna ng pumayag  sina Villanueva at Estrada ng kanilang pagpayag na pumirma ng waiver para mabuksan ang kanilang mga bank account para masuri sa gitna ng imbestigasyon.

Sa hiwalay na post sa X, sinabi ni Lacson na pinayagan niya ang dalawang senador na makilahok sa pagdinig ng Blue Ribbon committee upang makompronta ang mga nag-aakusa sa kanila.

“It is a person’s basic right to confront his accuser. In case you didn’t notice, I didn’t clear the two senators on the issue of budget insertions [because] the budget books validate Brice Hernandez’s allegations based on my own staff’s research, at least in the case of Sen Estrada,” sabi ni Lacson.

“Every person, ordinary or senator, has equal rights. I actually consulted my legal staff before making that decision to allow them. On the other hand, the two senators have not been cleared of the budget insertions under the 2023 and 2025 GAA’s. I made that very clear today,” dagdag ni Lacson.

Speaker Bojie Dy: Hindi ko ipagtatanggol ang may kasalanan, hindi ko ipa...

Discaya couple nag-aplay sa Witness Protection

 

 Nagtungo sa Department of Justice (DOJ) ang mag-asawang contractors na sina Pacifico “Curlee” Discaya II at Sarah Discaya para sa evaluation ng aplikasyon sa Witness Protection Program nitong Biyernes.

Naunang dumating si Curlee sa Compound ng DOJ alas-8:00 ng umaga na nakasuot ng bullet vest na may escort na mga tauhan ng Office of the Senate Sergeant-at-Arms habang si Sarah ay alas-10:30 ng umaga.

Matapos makipagpulong kay Justice Secretary Remulla at sa WPP Director ang mag-asawa ay naunang umalis ng DOJ compound si Sarah at huling umalis si Curlee kasama ng mga escort, na nasa kustodiya ng Senado matapos ma-contempt ng Blue Ribbon Committee.

Sinabi ni Mico Clavano, tagapagsalita ng DOJ, na ang isusumiteng affidavit ng dalawa ay babasahin para sa evaluation kung sapat ang nilalaman na impormasyon.

“Kailangan po ma­ging truthful, kailangan po sabihin ang lahat ng nalalaman nila. We cannot afford to be selective in this process dahil po that will affect, no, their application sa pagiging protected witness,” ani Clavano.

Una nang nagpahayag ang Discayas na maging state witnesses matapos pangalanan ang ilang kongresista, mga staff nila at mga opisyal ng Department of Public Works and Highways (DPWH) na diumano’y sangkot sa maanomalyang flood control projects.

Sinabi ni Clavano na posibleng hingin ni Remulla ang pagbabalik ng anumang ill-gotten funds na pagpapakita ng sinseridad ng mga Discaya.

Ani Clavano, pribelihiyo ang pagkakaloob ng proteksyon kaya kung magsisinungaling ay maaaring ipakulong at kasuhan ng perjury, bukod pa sa matatanggal sila sa WPP.

Samantala, sinabi pa ni Clavano na bukas lang ang DOJ sa sinumang nais na maging state witness o protected witness.

“We want to ensure the safety of all the witnesses who are willing to come out. And this is actually an offer to all those who want to be protected as witnesses if they have anything or any information that they can share with the department,” aniya.

“This is a call to all those who are involved to come forward with their information para ma-evaluate po natin,” ani pa ni Clavano.

Matatandaang sinabi ni Remulla na hindi pa nagbibigay ng impormasyon ang dalawa at kailangang isoli nila ang pera na nakuha sa sinasabing maanomalyang mga kontrata sa flood control projects.