Ex-DPWH usec. Bernardo kasama sa ‘protected witness’ ng DOJ

  Kasama na si dating DPWH Undersecretary ­Roberto Bernardo sa pagkakalooban ng proteksyon ng Department of Justice (DOJ) matapos ang kanyang mga isiniwalat kaugnay ng maanomalyang flood control projects ng pamahalaan.

“The Department of Justice (DOJ) informs the public that DPWH Officials Brice Ericson D. Hernandez, Jaypee D. Mendoza, Henry C. Alcantara, Roberto R. Bernardo, as well as Pacifico “Curlee” Discaya II and Cezarah Rowena “Sarah” C. Discaya are presently under provisional acceptance into the Witness Protection, Security and Benefit Program (WPP),” ayon sa DOJ.

Nilinaw ng DOJ, na sa duration ng provisional period, maituturing ang mga dating opisyal ng DPWH at mag-asawang Discaya na “Protected Witnesses”.

Limitado lamang umano sa security at escort ang ipinagkakaloob sa kanila, na ang ibig sabihin ay proteksyon sa panganib at pinsala, hindi sa liability o pananagutan.

Huwebes ng umaga nang dumalo si Bernardo sa Senate hearing at nasundan ito ng pagtungo sa DOJ kasama ni Justice Secretary Jesus Crispin Remulla para sa evaluation ng kanyang aplikasyon sa WPP.