Abogado nabistong sumawsaw sa BSKE case: SC kakalkalin notaryo sa flood scam ni Guteza

 Naghain ng “urgent manifestation of grave concern” sa Supreme Court (SC), ang abogadong si Romulo Macalintal dahil ang notary public na tumangging nagnotaryo sa affidavit ng testigo sa Blue Ribbon Committee sa flood control scandal ay nagnotaryo rin sa mga sinumpa¬ang dokumento para sa Liga ng Mga Barangay sa Pilipinas sa kanilang motion to intervene hinggil sa kinanselang barangay and Sangguniang Kabataan elections (BSKE).

Hiniling din ni Macalintal sa SC na agarang utusan ang intervenor na magpaliwanag sa pagpapanotaryo ng kanilang mga sinumpaang salaysay upang maliwanagan kung personal silang humarap sa notary, si Atty. Petchie Rose G. Espera.

Ang pagkakasangkot ni Espera sa notaryo ng Liga ng mga Barangay sa Pilipinas ay nagdulot ng pagdududa sa annexes na isinumite ng grupo na kinakatawan ni lead counsel Atty. Alberto C. Agra sa case, G.R. No. E-02002.

Si Atty. Espera ay isang Notary Public sa City of Manila at tumangging siya ang nagnotaryo sa affidavit ng testigong si Orly Regala Guteza.

Ang affidavit ay binasa ni Guteza sa hearing ng Blue Ribbon Committee noong nakaraang linggo kung saan sinabi nitong si ACT-CIS Rep. Eric Yap ang nakakasama niyang magdeliber ng male-maletang “basura” o pera kina dating Speaker Martin Romualdez at nag-resign na Ako-Bicol Party-list Rep. Zaldy Co.

Itinanggi ni Espera na pinirmahan at ninotaryo niya ang affidavit at hindi umano niya alam ang nilalaman ng affidavit ng testigo. Nag-viral pa sa social media ang liham at ang Affidavit of Denial mula sa Espera Law Office.

Sa kanyang manipestas¬yon, sinabi ni Macalintal na ang itinangging pirma ni Atty. Espera sa affidavit sa Senado ay magkahawig sa pirma nito sa notary public ng mga sworn document ng Liga ng mga Barangay.

Binanggit pa ni Macalintal na ang multiple verifications, certifications of non-forum shopping at special powers of attorney mula sa barangay officials sa iba’t ibang munisipalidad ay pinanumpaan umano sa harap ni Atty. Espera sa loob lamang ng isang araw, noong Agosto 18, 2025.

Nasisilip ni Macalintal ang iregularidad dito dahil ang barangay resolution mula sa Wigan, Cordon, Isabela, na pinagtibay at ninotaryo sa City of Manila sa parehong araw noong Agosto 18, 2025.

“Voicing out what appeared to be irregularities in the execution of above-described documents,” saad ni Macalintal.

Magalong sariling desisyon pagkalas sa ICI – Goitia

 Binatikos ni Chairman Emeritus Dr. Jose Antonio Goitia ang pahayag ni Ka Eric Celiz, sa isang video na si Baguio Mayor Benjamin Magalong ay nagbitiw dahil sa diumano’y panggigipit mula kay Pangulong Ferdinand “Bongbong” Marcos Jr.

Giit ni Goitia na Chairman Emeritus ng apat na maka¬bayan at sibikong organisasyon na ang ganitong mga pahayag ay “kasangkapan ng panlilinlang” na layong baluktutin ang katotohanan at lasunin ang tiwala ng taumbayan.

“Si Mayor Magalong mismo ang nagpaliwanag na siya’y nagbitiw upang pangalagaan ang integridad ng pamahalaan kontra korapsiyon. Ito ay kanyang personal at may prinsipyong desisyon,” ani Goitia.

“Ang bersyon ni Ka Eric na may utos ang Pangulo na itigil ang imbestigasyon o kaya’y tumanggi si Magalong na makipagpulong sa Malacañang ay pawang kasinungali¬ngan. Walang ganoong utos mula kay Pangulong Marcos. Ito ay nilikhang maghasik ng kalituhan at magpahina sa integridad ng bayan.”

Mariing binatikos ni Goitia ang tangka ni Ka Eric na isabit ang Sandatahang Lakas sa kanyang mga kuwento. “Si Mayor Magalong mismo ang nagpaliwanag na siya’y nagbitiw upang pangalagaan ang integridad ng pamahalaan kontra korapsiyon. Ito ay kanyang personal at may prinsipyong desisyon,” ani Goitia.

“Ang bersyon ni Ka Eric na may utos ang Pangulo na itigil ang imbestigasyon o kaya’y tumanggi si Magalong na makipagpulong sa Malacañang ay pawang kasinungali¬ngan. Walang ganoong utos mula kay Pangulong Marcos. Ito ay nilikhang maghasik ng kalituhan at magpahina sa integridad ng bayan.”

‘Bagman’ ni Chiz alsa-balutan sa Robinsons firm

 Naghain ng kanyang resignation ang bil¬yonaryong si Maynard Ngu bilang independent director ng Altus Property Venture Inc, isang subsidiary ng Robinsons Land Corp.

Si Ngu, chief executive ng kompanyang nasa likod ng Cherry Mobile at nagsisilbi ring special envoy to China for trade and investments ay nakaladkad sa flood control scandal.

Sa hearing ng Senate Blue Ribbon committee noong nakaraang linggo, isiniwalat ni dating Public Works and Highways Undersecretary Roberto Bernardo na binigyan ng P160 milyong kickback si Senador Francis “Chiz” Escudero sa pamamagitan ni Ngu.

Isiniwalat ni Bernardo na personal niyang nakausap si Escudero sa Cork Wine Bar kung saan humiling ito na magbaba ng pondo sa kanya.

Sa regulatory filing nitong Martes, ipi¬nabatid ng Altus na tinanggap ng board of directors ang resignation ni Ngu epektibo nitong Setyembre 29, 2025.

Bukod sa pagpapatakbo ng Cosmic Technologies, na siyang gumagawa ng Cherry Mobile, si Ngu ang nagmamay-ari ng Cork Wine Bar at sinasabing co-owner din ng Luxelle PH, isang luxury retail firm kung saan business partner si Heart Evangelista.

Nagbigay rin ng P30 milyong donasyon si Ngu sa kandidatura ni Escudero noong 2022 elections at sa wine bar niya isinagawa ang renewal ng wedding vow nina Chiz at Heart noong nakaraang taon.