Garma pinadadampot sa PCSO exec murder

 Ipinag-utos ng korte na arestuhin si dating Philippine Charity Sweepstakes Office (PCSO) general manager at retired police colonel Royina Garma at apat pang iba kaugnay sa pagpatay kay PCSO board secretary Wesley Barayuga noong Hulyo 2020, ayon sa Philippine National Police (PNP).

Sa press briefing sa Camp Crame, Quezon City, nitong Lunes, sinabi ni PNP spokesperson at information chief Brig. Gen. Randulf Tuaño na nag-isyu na ang Mandaluyong Regional Trial Court Branch 279 ng warrant of arrest, may petsang Setyembre 13, 2025 laban kina Garma, Lt. Col. Santie Mendoza, retired Police Col. Edilberto Leonardo, at mga dating pulis na sina Nelson Enriquez Mariano at Jeremy Causapin (alyas “Toks”) dahil sa kasong murder at frustrated murder. “Ang marching orders ng ating chief PNP, ang sabi niya justice for all, meaning ang kautusan niya po sa CIDG (Criminal Investigation and Detection Group) at sa lahat ng miyembro ng Philippine National Police — implement all warrants of arrest regardless of the case,” wika ni Tuaño.

Binanggit pa ng opisyal na si Mendoza ay nasa floating status at nasa kustodiya ng Directorate for Personnel and Records Management-Personnel Holding and Accounting Unit.

Hindi naman malaman ng PNP ang kinaroronan ni Garcia at iba pang kapwa akusado. Matatandaan na binasura ng Estados Unidos ang kahilingan ni Garma sa political asylum at kamakailan lamang ay umuwi ng Pilipinas. Gayunman, agad naman itong nagbiyahe patungong Malaysia bilang turista.

Pumayag din umano si Garma na maging testigo ng prosekusyon laban kay dating Pangulong Rodrigo “Digong” Duterte na nahaharap sa kasong crimes against humanity kaugnay ng madugong giyera kontra droga ng kanyang administrasyon.

Zaldy Co nag-resign na Ako Bicol cong

 Nagsumite ng kanyang irrevocable resignation si Elizaldy Co bilang kinatawan ng Ako Bicol party-list sa Kamara de Representantes.

Sa tatlong pahinang sulat na ipinadala kay Speaker Faustino Dy III at House Committee on Ethics and Privileges chairperson JC Abalos, iginiit ni Co na sasagutin nito ang mga walang basehang alegasyon na ipinupukol sa kanya.

“On account of the real, direct, grave and imminent threat to the lives of my family members and me, and the evident denial of my right to due process of law, I am constrained to tender with immediate effect my irrevocable resignation as a member of the House of Representatives,” sabi ni Co.

Sa pagbibitiw ni Co, inaasahan na papasok ang ikatlong nominee ng Ako Bicol na si Atty. Jan Chan. Si Rep. Alfredo Garbin ang ikalawang nominee ng party-list group.

Taliwas umano sa pahayag ni Navotas City Rep. Toby Tiangco, sinabi ni Co na hindi totoo na siya ang mastermind ng budget insertion at realignment sa panukalang 2025 General Appropriations Act (GAA).

“I did not mastermind, tolerate, or allow any supposed last-minute insertions and realignments in items in the 2025 GAA. All items in the 2025 GAA, including those stated in the corresponding Bicameral Report, were approved at plenary sessions and following the collegial process of both Houses of Congress,” punto ni Co.

“It is improbable, if not absolutely impossible, that I, on my own, could make any supposed insertions without the knowledge or approval of the members of both chambers of Congress,” dagdag pa nito.

Ayon kay Co, bago nilagdaan ni Pangulong Ferdinand “Bongbong” Marcos Jr. ang niratipikaang 2025 General Appropriations Bill ito ay sumailalim muna sa pagsusuri ng Malacañang. 

TeleTabloid on Tiktok NEWS Azurin ipinalit kay Magalong sa ICI

 Itinalaga ni Pangulong Ferdinand “Bongbong” Marcos Jr. si dating Philippine National Police (PNP) chief Rodolfo Azurin Jr. bilang bagong special adviser at Investigator ng Independent Commission for Infrastructure (ICI), ayon sa Malacañang nitong Lunes.

Binanggit ng Office of the President na gagampanan ni Azurin ang bago niyang papel “after concluding his personal and administrative arrangements.”

“The administration is confident that General Azurin’s experience and leadership will further strengthen the Commission’s mandate to uphold accountability and transparency in the use of public funds,” ayon pa sa statement ng OP.

Si Azurin ang papalit sa nagbitiw na special adviser at investigator ng ICI na si Baguio City Mayor Benjamin Magalong dahil sa posibleng conflict of interest.