Zaldy Co nag-resign na Ako Bicol cong

 Nagsumite ng kanyang irrevocable resignation si Elizaldy Co bilang kinatawan ng Ako Bicol party-list sa Kamara de Representantes.

Sa tatlong pahinang sulat na ipinadala kay Speaker Faustino Dy III at House Committee on Ethics and Privileges chairperson JC Abalos, iginiit ni Co na sasagutin nito ang mga walang basehang alegasyon na ipinupukol sa kanya.

“On account of the real, direct, grave and imminent threat to the lives of my family members and me, and the evident denial of my right to due process of law, I am constrained to tender with immediate effect my irrevocable resignation as a member of the House of Representatives,” sabi ni Co.

Sa pagbibitiw ni Co, inaasahan na papasok ang ikatlong nominee ng Ako Bicol na si Atty. Jan Chan. Si Rep. Alfredo Garbin ang ikalawang nominee ng party-list group.

Taliwas umano sa pahayag ni Navotas City Rep. Toby Tiangco, sinabi ni Co na hindi totoo na siya ang mastermind ng budget insertion at realignment sa panukalang 2025 General Appropriations Act (GAA).

“I did not mastermind, tolerate, or allow any supposed last-minute insertions and realignments in items in the 2025 GAA. All items in the 2025 GAA, including those stated in the corresponding Bicameral Report, were approved at plenary sessions and following the collegial process of both Houses of Congress,” punto ni Co.

“It is improbable, if not absolutely impossible, that I, on my own, could make any supposed insertions without the knowledge or approval of the members of both chambers of Congress,” dagdag pa nito.

Ayon kay Co, bago nilagdaan ni Pangulong Ferdinand “Bongbong” Marcos Jr. ang niratipikaang 2025 General Appropriations Bill ito ay sumailalim muna sa pagsusuri ng Malacañang. 

TeleTabloid on Tiktok NEWS Azurin ipinalit kay Magalong sa ICI

 Itinalaga ni Pangulong Ferdinand “Bongbong” Marcos Jr. si dating Philippine National Police (PNP) chief Rodolfo Azurin Jr. bilang bagong special adviser at Investigator ng Independent Commission for Infrastructure (ICI), ayon sa Malacañang nitong Lunes.

Binanggit ng Office of the President na gagampanan ni Azurin ang bago niyang papel “after concluding his personal and administrative arrangements.”

“The administration is confident that General Azurin’s experience and leadership will further strengthen the Commission’s mandate to uphold accountability and transparency in the use of public funds,” ayon pa sa statement ng OP.

Si Azurin ang papalit sa nagbitiw na special adviser at investigator ng ICI na si Baguio City Mayor Benjamin Magalong dahil sa posibleng conflict of interest.

Marcoleta pumiyok sa konek ng esmi kina Discaya

 Itinanggi ni Senador Rodante Marcoleta na may koneksiyon ang kanyang misis sa mga kompanya nina Curlee at Sarah Discaya.

Sa interview ng DWAR Abante Radyo, sinabi ni Marcoleta na walang masama kung magsilbing independent director ng Stronghold Insurance ang misis niyang si Edna Marcoleta.

Sabi ni Marcoleta, ang independent director ay walang pagmamay-ari sa isang kompanya, walang kinalaman sa management at walang relasyon, second degree at civil affinity sa mga shareholder.

Nagpaliwanag naman si SAGIP Party-list Rep. Paolo Marcoleta na kahit ang insurance company ang nag-isyu ng bond sa mga flood control project ng mga Discaya, wala pa ring kinalaman dito ang isang independent director ng insurance firm.

“An independent director is not an employee of the company, has no such material ties, no substantial shares, no hand in sales and marketing activities, no significant professional relationships with the company or its stakeholders,” paliwanag ni Rep. Marcoleta.