Escudero nanisi imbes na magpaliwanag – Romualdez Abante News September 29, 2025

 

Tinawag na DDS [Duterte Die-hard Supporters] script ni Leyte Rep. Ferdinand Martin Romualdez ang privilege speech ni Sen. Francis Escudero na malinaw umanong ginawa upang paglingkuran at ipakita ang loyalty nito kay Vice President Sara Duterte.

“I listened to the privilege speech of Sen. Chiz Escudero. With respect, what we heard was not an exposé but a DDS script — the same recycled accusations we have long seen on troll pages and social media posts. Walang bago, at wala ring katotohanan,” sabi ni Romualdez.

Sa halip na sagutin ang mga seryosong alegasyon laban sa kanya, sinabi ni Romualdez na mas pinili ni Escudero na ilihis ang isyu.

“He did not deny the allegations against him. He did not explain his own role in flood-control kickbacks. Imbes na magpaliwanag, nanisi siya,” sabi ng dating Speaker.

“Malinaw naman ang katotohanan: ang talum¬pati ni Sen. Escudero ay hindi tungkol sa pananagutan, kundi para isulong ang kanyang personal na ambisyon,” dagdag pa nito.

Ayon kay Romualdez ang “performance” ni Escudero ay “designed to profess loyalty and service to Vice President Sara Duterte, and to position himself as her ally for 2028.”

“Ang tunay na pinagsisilbihan ay hindi ang katotohanan, kundi ang sariling interes at plano sa politika,” sabi ng solon.

“For my part, I will continue to cooperate with every impartial investigation. My record can withstand scrutiny. Wala akong itinatago. As for Sen. Escudero, kung tunay na pananagutan ang hanap, sa presinto na siya magpaliwanag,” dagdag pa ni Romualdez.

 Naniniwala si Vice President Sara Duterte na hindi na matatag ang administrasyon ni Pangulong Ferdinand “Bongbong” Marcos Jr. sa gitna ng alegasyon ng korapsiyon kung saan sangkot ang maraming mambabatas.

“No,” sagot ni VP Sara nang matanong sa press conference sa Senado kung matatag ang administrasyon ni Pangulong Marcos.

“Our institutions are clearly abused. They are used for personal gain. They are used for personal gain. And we have already seen the testimony of witnesses about corruption. And there is practically nothing happening in our country,” dagdag pa ng Bise Presidente.

Personal na dumalo si Duterte nitong Lunes sa pagdinig ng Senate finance committee para depensahan ang panukalang 2026 budget ng Office of the Vice President na nagkakahalaga ng P902.895 milyon.

“Ilang ulit ko na ‘yan sinasabi noon na tigilan ‘yung politika, tigilan ‘yung pag-una sa pansariling interes kasi walang nangyayari sa ating bansa. Meron ba kayo nakikita at all na project na nakatulong sa ating bayan? Wala” diin Dutete.

Hindi naman nagbigay ng komento si Duterte ng tanungin ang tungkol sa moral ng Armed Forces of the Philippines.

“‘Di ko alam, ‘di ako makapagsalita sa morale ng mga sundalo, pinakamabuti na magsalita sila na mismo,” sabi pa niya. 

Anne, Vhong, Jhong sasamahan si Vice sa Vancouver

 

May pa-surprise ang TFC (The Filipino Channel) para sa mga faney, ha!

Noong una kasi ay tanging si Vice Ganda lang ang in-announce nila na taga-“Its’ Showtime” na kasama sa “ASAP Vancouver” show nila sa Canada, pero may iba pa palang kasama.

Nitong weekend nga ay ibinida nila na sasamahan din nina Anne Curtis, Vhong Navarro, at Jhong Hilario sa Vancouver si Meme Vice.

“Plot twist of the year” nga raw nila ‘yon.

Eh sobrang excited din pala sina Vice, Anne, Jhong, at Vhong na magkakasama-sama sila sa Vancouver.For sure, kaliwa’t kanang gimik ang gagawin nila, ha!

Anyway, wala naman daw magiging problema sa shooting ng “Call Me Mother” nina Vice at Nadine Lustre dahil noon pa pala naayos ang schedule ng pagpunta ng Unkabogable Star sa Vancouver.

‘Yun na!