BBM namudmod ng ayuda sa Cagayan

 Pinangunahan ni Pangulong Ferdinand “Bongbong” Marcos Jr. nitong Sabado ang distribusyon ng ayuda sa mga magsasaka at kanilang pamilya matapos maapektuhan ng nagdaang bagyo sa Gonzaga, Cagayan.

Kasama si Agriculture Secretary Francisco Tiu Laurel Jr., namahagi si Pangulong Marcos ng mga binhi, fertilizers at iba pang farm inputs ng Department of Agriculture (DA) sa mga benepisyaryo.

Nakatanggap din ang mga benepisyaryo ng P7,000 halaga ng Rice Farmers Financial Assistance.

Namahagi rin ang Pangulo ng food packs at P10,000 cash assistance mula sa Department of Social Welfare and Development (DSWD).

“Kaya naman kami nandito ay upang makatu¬long sa ating mga magsasaka na mag-recover dito sa mga nawala sa inyo na kinuha ng Typhoon Nando nitong nakaraang weekend,” wika ng Pangulo¬ sa kanyang talumpati sa People’s Gymnasium sa Gonzaga.

“Marami po tayong naging biktima at marami po tayong kailangang tulungan dahil po ito nga, wala po tayong magagawa dahil nagbabago ang panahon,” dagdag pa niya.

De Lima pinush P46B lipat-pondo sa DSW

 Itinulak ni Mamamayang Liberal Party-list Rep. Leila de Lima na ilipat sa Department of Social Welfare and Development (DSWD) ang P46 bil¬yong kinatay sa budget ng Department of Public Works and Highways (DPWH) para sa flood control project.

“Mas magandang magamit ang P46 bil¬yong piso na nakuha mula sa maanomal¬yong mga flood control projects para sa mga programang tulad ng Pantawid Pamilyang Pilipino Program (4Ps) at iba pang mga sustainable livelihood programs ng DSWD,” giit ni De Lima.

Matatandaang inire¬komenda na ng subcommittee ng House Committee on Appropriations ang paglipat ng pondo ng P32 bil-yon para sa Assistance to Individuals in Crisis Situations ng DSWD at P14.82 bilyon sa Tulong Panghanapbuhay sa ¬Ating Disadvantaged/Displaced Workers (TUPAD) ng Department of Labor and Employment.

“Bilang principal author at sponsor ng 4Ps Law, nakita natin ang kongkretong tagumpay ng programa kung saan milyon-milyon na nating kababayan ang natulu¬ngan at siya na ngayong may kakayahang maka¬tulong at makaambag sa lipunan,” diin ni De Lima.

Alexa kinumpirma hiwalayan kay Sandro

 

Kinumpirma ni Alexa Miro na hiwalay na sila ni Ilocos Norte 1st District Congressman and House Majority Floor Leader Sandro Marcos.

Ayaw naman niyang ibahagi kung gaano na sila katagal na hiwalay ni Sandro.

Nakangiti naman si Alexa nang tanungin siya tungkol sa First Family na naging mabait sa kanya.

Very supportive rin daw ang dating nobyo sa kanyang showbiz career.

Rebelasyon din niya na quality time ang love language sa kanya ni Sandro noong sila pa.

Samantala hindi raw nag-reachout sa kanya ang nali-link ngayon kay Sandro na si Franki Russell dahil na-block na niya ito.

Naganap ang panayam sa kanya ng entertainment press nitong September 25 (Thursday) sa mediacon ng “Sing Galing: Sing-Lebrity Edition” kung saan isa siya sa mga celebrity contestant.

Sumali raw siya sa competition para matulungan niya ang kanyang chosen charity.

Maliban kay Alexa, kasali rin ang mga celebrity na sina Rufa Mae Quinto, Romnick Sarmenta, Dominic Ochoa, Nikki Valdez, Meryll Soriano, Carmi Martin, Valerie Concepcion, Bobby Andrews, Jay Manalo, Luis Alandy, Gio Alvarez, Patricia Javier, Troy Montero, Rey “PJ” Abellana, CJ Ramos, Leandro Baldemor, Lloyd Samartino, Arman Salon, Anton Diva, Chad Kinis, Via Antonio, Yobab, Keanna Reeves, Gus Abelgas, Cedrick Juan, Dawn Chang, Krissha Viaje, at Miss Grand International 2024 CJ Opiaza.

Mapapanood ang “Sing Galing: Sing-Lebrity Edition” simula ngayong Sabado (September 27) sa TV5.