FULL VIDEO: Dumating si Sara Duterte sa Kamara para sa 2026 OVP budget d...

Brice, ibinalik sa Senate custody

 

Ibinalik na sa kustodiya ng Senado ang sinibak na Department of Public Works and Highways (DPWH) Bulacan Assistant District Engineer na si Brice Hernandez nitong Lunes, Setyembre 15.

Ang pagbabalik kay Hernandez ay ginawa matapos ang pagdinig sa kanyang Writ of Amparo petition sa Pasay Regional Trial Court Branch 112.

Mismong ang kampo ni Hernandez ang sumulat kina Senate President Vicente Sotto III at Blue Ribbon Committee Chair Panfilo Lacson, upang hilingin ang pagbabalik sa kaniya sa Senate Detention Center. Ipinahayag din ng kanyang kampo ang tiwala sa pamumuno nina Sotto at Lacson.

Inaprubahan ni Sotto ang kahilingan kahapon ng umaga, kaya’t nakabalik na si Hernandez sa Senado at sumailalim na rin sa medikal na pagsusuri.

Si Hernandez ay na-cite in contempt sa Senado noong Setyembre 8 matapos umanong magsinungaling at ipiniit sa Senate Detention Facility.

Inilipat siya sa PNP Custodial Center matapos ikanta sa pagdinig ng Kamara ang dalawang senador na umano’y dawit sa maanomalyang flood control projects sa Bulacan.

Inilipat si Hernandez sa Pasay City Jail noong Setyembre 10 matapos aprubahan ang mosyon sa Senado.

Inaasahang haharap muli si Hernandez sa darating na pagdinig ng Blue Ribbon Committee.

BALITA NGAYON - Kung ‘di ako Presidente, baka kasama rin ako sa protesta – Pangulong Marcos

 

Kung hindi lang siya presidente, gusto rin dumalo ni Pangulong Ferdinand Marcos Jr. sa mga ikinakasang malawakang kilos protesta dahil sa anomalya sa flood control projects sa bansa.

Ito ang sagot ng Pa­ngulo sa tanong kung dapat mag-alala na posibleng lumaki at matulad sa nangyari sa Nepal at Indonesia ang nakaambang protesta sa Setyembre 21 sa Luneta at People Power Monument.

“Do you blame them for going out into the streets? If I wasn’t President, I might be out in the streets with them. So you know, of course they are enraged. Of course they’re angry. I’m angry. We should all be angry, because what’s happening is not right,” dagdag ng Presidente.

Nauunawaan umano ng Pangulo ang mga kilos protesta ng publiko at karapatan aniya ng bawat isa na maglabas ng sentimyento kung paano sila nasaktan at ninakawan.

“To show that you are enraged, to show that you are angry, to show that you are disappointed, to show that you want justice, to show that you want fairness. What’s wrong with that?… I want to hold these people accountable just like they do. So I don’t blame them. Not one bit,” pahayag pa ni Marcos.

Paalala naman ng Pangulo, dapat ga­wing mapayapa ang ­lahat ng demonstrasyon at hindi mauwi sa gulo.